Sosium

General oğlu vəzifəsindən azad edildi

Ədliyyə Nazirliyinin Penitensiar xidmətinin Strateji planlaşdırma və monitorinq idarəsində Penitensiar xidmət rəisinin köməkçisi Rauf Qasımzadə öz arzusu ilə vəzifəsindən azad edilib.

Crossmedia.az-ın əldə etdiyi məlumata görə, bununla bağlı ədliyyə naziri Fərid Əhmədov Əmr imzalayıb.

Nazirin Əmri ilə Qasımzadə ədliyyə orqanlarında xidmətini yekunlaşdırıb.

Qeyd edək ki, Rauf Qasımzadənin atası general-mayor Aydın Qasımov uzun illər eyni orqanda yüksək vəzifələrdə çalışıb. O, uzun müddət ədliyyə nazirinin müavini - Penitensiar xidmətin rəisi və məhkəmə qərarlarının icrası baş idarəsinin rəisi işləyib. Rauf Qasımzadə özü isə 2 il əvvəl ədliyyə nazirinin müavini - Penitensiar xidmətin rəisi Mirsaleh Seyidovun köməkçisi təyin edilmişdi.(Qafqazinfo)

Mövzular:

Rauf Qasımzadə Ədliyyə Nazirliyi Penitensiar xidmət Fərid Əhmədov Aydın Qasımov

🖨 Çap et

14:43 18.08.2026

Oxunuş sayı: 44