Növbəti köç karvanları Zəngilan şəhərinə çatıb - YENİLƏNİB
Növbəti köç karvanı Zəngilan şəhərinə çatıb, mənzillərin açarları sakinlərə təqdim edilib.
Crossmedia.az xəbər verir ki, açarların təqdimetmə mərasimində Cəbrayıl, Qubadlı və Zəngilan rayonlarında Azərbaycan Respublikası Prezidentinin xüsusi nümayəndəliyinin, Qaçqınların və Məcburi Köçkünlərin İşləri üzrə Dövlət Komitəsinin nümayəndələri iştirak ediblər.
Bu mərhələdə şəhərə 5 ailənin (26 nəfər) daimi qayıdışı təmin olunub.
13:25
Növbəti köç karvanı Cəbrayıl rayonunun Şükürbəyli kəndinə çatıb.
Crossmedia.az xəbər verir ki, kəndə çatan sakinlərin qarşılanma mərasimi keçirib.
07:40
Zəngilan və Cəbrayıla köç karvanı yola salınıb.
Crossmedia.az xəbər verir ki, mayın 15-də Zəngilan şəhərinə və Cəbrayıl rayonunun Şükürbəyli kəndinə köç karvanı yola salınıb.
Köçürülənlər respublikanın müxtəlif yerlərində, əsasən, yataqxanalarda, sanatoriya və inzibati binalarda müvəqqəti məskunlaşan ailələrdir.
Bu mərhələdə Zəngilan şəhərinə 5 ailə - 26 nəfər, Cəbrayıl rayonunun Şükürbəyli kəndinə isə 107 ailə - 453 nəfər köçürülüb.
15:00 15.05.2026
Oxunuş sayı: 148
