ABŞ-İran gərginliyi TRIPP layihəsini risk altına sala bilər
Ermənistan Amerika Araşdırmaları Mərkəzinin direktoru Suren Sarkisyan ABŞ-nin “The Central Asia-Caucasus Analyst” nəşrində dərc olunan məqaləsində TRIPP layihəsinin gələcəyinin ABŞ-İran münasibətlərindən asılı ola biləcəyini bildirib.
Crossmedia.az bu barədə xarici mediaya istinadən xəbər verir.
Məqalədə qeyd olunur ki, hazırda Azərbaycan və onun əsas bölgəsi Naxçıvan arasında ən qısa quru yol İrandan keçir.
Müəllif vurğulayıb ki, layihə təkcə Ermənistan-Azərbaycan münasibətləri ilə məhdudlaşmır, daha geniş geosiyasi məqsədlərə xidmət edir. Onun sözlərinə görə, TRIPP-in reallaşması İranın regiondakı strateji rolunu zəiflədə və tranzit üstünlüyünü azalda bilər.
Sarkisyan ABŞ və İran arasında artan gərginlik fonunda layihənin potensial hədəfə çevrilə biləcəyini də istisna etməyib. Onun fikrincə, infrastruktur üzərinə mümkün hücumlar investorları çəkindirə və marşrutun beynəlxalq əhəmiyyətini zəiflədə bilər.
Məqalədə həmçinin İran dronlarının Azərbaycanda görünməsi ilə bağlı iddiaların da narahatlıq yaratdığı qeyd olunub.
16:27 01.05.2026
Oxunuş sayı: 58
