Gündəm

İDDİA: 300 mindən çox azərbaycanlının Ermənistana köçürülməsi planlaşdırılır

“News Media” şirkətinin baş direktoru Aram Qabrelyanov sosial şəbəkə hesabında Azərbaycan və Ermənistan arasında gedən proseslərlə bağlı diqqətçəkən və mübahisəli iddialar irəli sürüb.

Crossmedia.az-ın məlumatına görə, o, Azərbaycan Baş nazirinin müavini Şahin Mustafayevin İrəvana səfərini şərh edərək bildirib ki, guya əldə olunan öhdəliklər çərçivəsində 300 mindən çox azərbaycanlının Ermənistan ərazisindəki keçmiş yaşayış məntəqələrinə köçürülməsi qərara alınıb.

Qabrelyanovun iddiasına görə, plan Kotayk, Göyçə, Armavir və Araqatsotn vilayətlərində yerləşən bir sıra şəhər və kəndləri əhatə edir. O, Arzakan, Geranis, Marmarik, Vardenis, Zod, Ağbradzor, Çağkunk, Lçap, Tsovazard, Çağkalanç, Qriboyedov, Haykaşen, Bazmağbyur və Saralanç kimi yaşayış məntəqələrinin bu prosesə daxil edildiyini qeyd edib.

Onun sözlərinə görə, böyük köçürülmə proqramının icrasına seçkilərdən sonra başlanması planlaşdırılır və eyni zamanda Zəngəzur bölgəsinə aid “Ümumi ev” layihəsi üzrə yeni müqavilənin imzalanması da gündəmdədir.

🖨 Çap et

18:42 29.04.2026

Oxunuş sayı: 42