2027-ci ildə Azərbaycanla Koreya arasında diplomatik əlaqələrin qurulmasının 35 illiyi qeyd olunacaq
2027-ci ildə Azərbaycanla Koreya arasında diplomatik əlaqələrin qurulmasının 35 illiyi qeyd olunacaq.
Crossmedia.az xəbər verir ki, bu barədə Azərbaycan Respublikasının xarici işlər naziri Ceyhun Bayramov Koreya Respublikasının xarici işlər nazirinin xüsusi nümayəndəsi Beyk Cuhyonla görüşündə bildirilib.
Görüş zamanı, Azərbaycan ilə Koreya Respublikası arasında siyasi, iqtisadi, ticarət, təhsil, yüksək texnologiyalar və digər sahələrdə əməkdaşlığın inkişaf perspektivləri müzakirə olunub. Tərəflər ikitərəfli münasibətlərin genişləndirilməsi, qarşılıqlı səfərlərin intensivləşdirilməsinin əhəmiyyətini vurğulayıblar. Eyni zamanda, Azərbaycan Respublikası Hökuməti və Koreya Respublikası Hökuməti arasında iqtisadi əməkdaşlıq üzrə Birgə Komissiyanın, eləcə də Xarici İşlər Nazirlikləri arasında siyasi məsləhətləşmələrin vacibliyi qeyd olunub.
15:16 17.03.2026
Oxunuş sayı: 40
