Naxçıvana dron hücumu ilə bağlı yeni versiya: Rusiyanın da işi ola bilər
Müasir Müsavat Partiyasının sədri Hafiz Hacıyev Crossmedia.az-a geniş müsahibəsində deyib ki, İrandan Naxçıvana dron hücumu ilə bağlı bəzi məqamlar rəsmi Bakıya yanlış təqdim olunub: "Azərbaycanı istəməyən qüvvələr çoxdur. Onlar çalışırlar ki, Azərbaycanı bu müharibəyə sürükləsinlər. Prezident çox ağır və məsuliyyətli addım atdı və sonrakı hərəkətlər də göstərdi ki, həqiqətən İlham Əliyev öz iradəsi ilə söz sahibidir. Amma mən istərdim ki, ətrafda olan müəyyən qüvvələr bu məlumatları düzgün çatdırsınlar. Buna ehtiyac var. Bizim İranda 50 milyona yaxın soydaşımız var. Biz onları da nəzərə almalıyıq, onların gələcəyini düşünməliyik. Bizdən kimsə ola bilər ki, haradasa bir fars və ya başqa bir şəxs Azərbaycana qarşı hansısa təxribatçı addım atsın. Amma biz dövlət olaraq səbirli olmalıyıq. Ona görə də düşünürəm ki, həmin məlumatı çatdıranlar onu düzgün formada təqdim etməyiblər".
Partiya sədrinin səsləndirdiyi fikirlər sosial şəbəkələrdə geniş müzakirə olunur.
Politoloq Qədir Aslan sözügedən ehtimal barədə Crossmedia.az-a açıqlama verib: "Bu, SEPAH-ın birbaşa işidir. SEPAH birmənalı şəkildə müharibə coğrafiyasını genişləndirmək istəyir. Xüsusilə regional layihələr var ki, onların həyata keçirilməməsi, xüsusən Orta dəhliz və Zəngəzur dəhlizi kimi layihələr, SEPAH bu situasiyaları qarışdırıb toz duman qaldırmaq istəyir. "Bizsiz heç nə edə bilərik edə bilməyəcəksiniz" mesajı verir. PUA-nın Naxçıvana atılmasında Rusiyanın iştirakını da istisna etmirəm".
Ayhan
16:20 13.03.2026
Oxunuş sayı: 48
