Azərbaycan vasitəsilə 1341 vətəndaş İrandan təxliyə olunub - YENİLƏNİB
ABŞ və İsrailin fevralın 28-də başlatdığı hərbi əməliyyatlar səbəbindən İrandan ümumilikdə 1341 nəfər Azərbaycan sərhədi vasitəsilə təxliyə olunub.
11:41
İrandan həm Azərbaycan, həm də digər ölkələrin vətəndaşlarının təxliyəsi davam edir.
Crossmedia.az-ın məlumatına görə, 28 fevral 8.00-dan – 5 mart saat 10:00-dək İrandan müxtəlif ölkələrin vətəndaşları olmaqla ümumilikdə 1317 nəfər təxliyə olunub.
Belə ki, 401 Çin, 259 Azərbaycan, 259 Rusiya, 109 Tacikistan, 88 Pakistan, 46 Oman, 20 İspaniya, 18 Səudiyyə Ərəbistanı, 11 İran, 9 Gürcüstan, 8 Braziliya, 7 Belarus, 6 BƏƏ, 6 Slovakiya, 5 Serbiya, 5 Nigeriya, 4 İordaniya, 4 İsveçrə, 4 Yaponiya vətəndaşı təxliyə olunub.
Siyahıda həmçinin Qətər, Banqladeş, Fransa, Özbəkistan, Meksika, Fillipin və Qazaxıstanın hər biri üzrə 3 vətəndaş, Nepal, Türkiyə, Yəmən, Qırğızıstan, İtaliya, Çexiya, Böyük Britaniya, Xorvatiyanın hər biri üzrə isə 2 vətəndaş yer alıb. Polşa, Tunis, Livan, Hindistan, Myanma, Maldiv Adaları, Cənubi Afrika, Kuba, Ukrayna, İsveç və Almaniyanın hər biri üzrə isə 1 nəfər təxliyə edilib.
19:35 05.03.2026
Oxunuş sayı: 1017
