Gündəm

Həkim, müəllim, provizor... - Deputatlar hansı ali məktəbi bitiriblər?

Milli Məclis Azərbaycanın siyasi, sosial və iqtisadi həyatında həlledici qərarların qəbul edildiyi ali qanunvericilik orqanıdır. Parlamentin tərkibi yalnız siyasi təmsilçilik baxımından deyil, həm də deputatların təhsil səviyyəsi, ixtisas yönümləri və peşəkar hazırlığı ilə cəmiyyət üçün əhəmiyyət daşıyır. Çünki qanunvericilik təşəbbüslərinin keyfiyyəti, institusional islahatların elmi əsasları və qəbul olunan qərarların uzunmüddətli təsirləri birbaşa olaraq deputatların bilik və peşəkar bacarıqları ilə əlaqəlidir.

Crossmedia.az xəbər verir ki, “Yeni Sabah” deputatların təhsil aldığı universitetləri və ixtisaslarını araşdırıb:

Rəhbərlik

Milli Məclisin sədri Sahibə Qafarova - Azərbaycan Pedaqoji Rus dili və Ədəbiyyatı İnstitutu (1978-ci il). Orta məktəbdə rus dili və ədəbiyyatı müəllimi. Azərbaycan Dillər Universiteti (2002-ci il). Filologiya (ingilis dili). Filologiya elmləri doktoru, professor.

Milli Məclis sədrinin birinci müavini Əli Əhmədov - Moskva Dövlət Tarix-Arxiv İnstitutunun Tarix fakültəsini. Fəlsəfə üzrə fəlsəfə doktoru, dosent.

Parlament sədrinin müavini Ziyafət Əsgərov - Bakı Dövlət Universiteti (1990-cı il). Hüquqşünas. Hüquq üzrə fəlsəfə doktoru, professor.

Milli Məclis sədrinin müavini Musa Qasımlı - Azərbaycan Dövlət Universiteti (1979-cu il). Tarixçi, tarix və ictimaiyyət müəllimi. Tarix elmləri doktoru, professor, Azərbaycan Milli Elmlər Akademiyasının müxbir üzvü.

Milli Məclis sədrinin müavini Rafael Hüseynov - Azərbaycan Dövlət Universitetinin Şərqşünaslıq fakültəsi (1976-cı il). Şərqşünas, filoloq-tərcüməçi, fars və Azərbaycan dilləri üzrə müəllim. Filologiya elmləri doktoru, professor, Azərbaycan Milli Elmlər Akademiyasının həqiqi üzvü.

Komitə sədrləri

Hüquq siyasəti və dövlət quruculuğu komitəsinin sədri Əli Hüseynli - Bakı Dövlət Universiteti (1993-cü il). Hüquqşünaslıq. Hüquq üzrə fəlsəfə doktoru.

Müdafiə, təhlükəsizlik və korrupsiya ilə mübarizə komitəsinin sədri Arzu Nağıyev - Moskva İdarəetmə İnstitutu (1985-ci il). İdarəetmə üzrə mühəndis, iqtisadçı. SSRİ Dövlət Təhlükəsizlik Komitəsinin ali kursu (1991-ci il). Xüsusi ali zabit təhsili.

İnsan hüquqları komitəsinin rəhbəri Zahid Oruc - Azərbaycan Politexnik İnstitutu (1994-cü il). Elektron texnikası mühəndisi.

Təbii ehtiyatlar, energetika və ekologiya komitəsinin sədri Sadiq Qurbanov - Bakı Dövlət Universiteti (1994-cü il). Mexanik və tətbiqi riyaziyyatçı. Bakı Dövlət Universiteti (2001-ci il). Hüquqşünas. Azərbaycan Respublikası Prezidenti yanında Dövlət İdarəçilik Akademiyası (2004-cü il). Dövlət və bələdiyyə idarəetməsi.

İqtisadi siyasət, sənaye və sahibkarlıq komitəsinin rəhbəri Azər Əmiraslanov - Azərbaycan Dövlət İqtisad Universiteti (1993-cü il). İqtisadçı.

Aqrar siyasət komitəsinin sədri Tahir Rzayev - Azərbaycan Dövlət Universiteti (1977-ci il). Filoloq, Azərbaycan dili və ədəbiyyatı müəllimi. Bakı Ali Partiya Məktəbi (1982-ci il). Politoloq.

Əmək və sosial siyasət komitəsinin sədri Musa Quliyev - Azərbaycan Dövlət Tibb İnstitutu (1984-cü il). Həkim. Azərbaycan Respublikası Prezidenti yanında Dövlət İdarəçilik Akademiyası (2004-cü il). Dövlət və bələdiyyə idarəetməsi.

Səhiyyə komitəsinin rəhbəri Əhliman Əmiraslanov - Azərbaycan Dövlət Tibb İnstitutu (1971-ci il). Həkim. Tibb elmləri doktoru, professor. Azərbaycan Milli Elmlər Akademiyasının həqiqi üzvü.

Ailə, qadın və uşaq məsələləri komitəsinin sədri Hicran Hüseynova - Azərbaycan Dövlət Universiteti (1977-ci il). Tarixçi, tarix və ictimaiyyət müəllimi. Siyasi elmləri doktoru, professor.

Gənclər və idman komitəsinin rəhbəri Şahin İsmayılov - Azərbaycan Dillər Universiteti (2008-ci il). Avropaşünaslıq. Azərbaycan Dillər Universiteti (2010-cu il). Regionşünaslıq.

İctimai birliklər və dini qurumlar komitəsinin sədri Fazil Mustafa - Bakı Dövlət Universiteti (1991-ci il). Hüquqşünaslıq. Fəlsəfə üzrə fəlsəfə doktoru.

Regional məsələlər komitəsinin rəhbəri Siyavuş Novruzov - Bakı Dövlət Universiteti (1995-ci il). Azərbaycan Respublikası Prezidenti yanında Dövlət İdarəçilik Akademiyası (2002-ci il). Hüquqşünaslıq və dövlət idarəçiliyi. Hüquq üzrə fəlsəfə doktoru.

Elm və təhsil komitəsinin sədri Anar İsgəndərov - Azərbaycan Dövlət Universiteti (1978-ci il). Tarixçi, tarix və ictimaiyyət müəllimi. Tarix elmləri doktoru, professor.

Mədəniyyət komitəsinin sədri Polad Bülbüloğlu - Azərbaycan Dövlət Konservatoriyası (1968-ci il).

Beynəlxalq münasibətlər və parlamentlərarası əlaqələr komitəsinin sədri Səməd Seyidov - Leninqrad Dövlət Universiteti (1986-cı il). Psixoloq, müəllim. Psixologiya elmləri doktoru, professor.

Deputatlar

Aqil Abbas - Azərbaycan Dövlət Universiteti (BDU). Filoloq, Azərbaycan dili və ədəbiyyatı müəllimi.

Günay Ağamalı - Qərb Universiteti (2004-cü il, bakalavr). Tərcüməçi. Azərbaycan Dillər Universiteti (2006-cı il, magistr). Tərcüməçi (ingilis dili). Azərbaycan Dövlət Pedaqoji Universiteti (2012-ci il). Praktik psixoloq.

Ülviyyə Ağayeva - Azərbaycan Dillər Universiteti (2000-ci il, bakalavr). Filologiya (ingilis dili). Azərbaycan Dillər Universiteti (2002-ci il, magistr). Dilşünaslıq (ingilis dili).

Əminə Ağazadə - Bakı Dövlət Universiteti (2001-ci il, bakalavr). Bakı Dövlət Universiteti (2003-cü il, magistr). Hüquqşünaslıq: cinayət hüququ, cinayət prosesi, kriminalistika və məhkəmə ekspertizası.

Elnarə Akimova - Bakı Dövlət Universiteti (1999-cu il, bakalavr). Bakı Dövlət Universiteti (2001-ci il, magistr). Filologiya (Azərbaycan dili və ədəbiyyatı).

Sahib Alıyev - Moskva Dövlət Universiteti (1991-ci il). Jurnalistika.

Azər Allahverənov - Kazan Dövlət Universiteti (1996-cı il). Tarixçi və tarix müəllimi.

Səyyad Aran - Azərbaycan Dövlət Pedaqoji İnstitutu (1972-ci il). Orta məktəbdə Azərbaycan dili və ədəbiyyatı müəllimi. Bakı Dövlət Universiteti (2001-ci il). Hüquqşünas.

Nigar Arpadarai - Bakı Dövlət Universiteti (2002-ci il, bakalavr). Bakı Dövlət Universiteti (2004-cü il, magistr). Beynəlxalq hüquq.

Novruzəli Aslanov - Azərbaycan Politexnik İnstitutu (1985-ci il). Mühəndis-konstruktor texnoloq.

Azər Badamov - Azərbaycan Texnologiya İnstitutu (1992-ci il). Yüksək ixtisaslı əmtəəşünas.

Kamran Bayramov - Bakı Dövlət Universiteti (1999-cu il, bakalavr). Hüquqşünaslıq. Bakı Dövlət Universiteti (2011-ci il, magistr). Cinayət hüququ, cinayət prosesi, kriminalistika və məhkəmə ekspertizası. Azərbaycan Respublikası Prezidenti yanında Dövlət İdarəçilik Akademiyası (2016-cı il, magistr). Dövlət və bələdiyyə idarəetməsi.

Vüqar Bayramov - Azərbaycan Dövlət İqtisad Universiteti (1997-ci il). İqtisadçı.

Bədəl Bədəlov - Azərbaycan Mühəndis İnşaat İnstitutu (1987-ci il). İnşaat mühəndisi.

Kamal Cəfərov - Bakı Dövlət Universiteti (2011-ci il, bakalavr). London Kral Universiteti (2012-ci il). Beynəlxalq Antikorrupsiya Akademiyası (2016-cı il). Hüquqşünaslıq.

Müşfiq Cəfərov - Azərbaycan Kənd Təsərrüfatı Akademiyası (2002-ci il, bakalavr). Azərbaycan Kənd Təsərrüfatı Akademiyası (2004-cü il, magistr). Aqrar istehsalın iqtisadiyyatı və idarə edilməsi. Minnesota Universiteti, Hubert H. Humphrey Proqramı (2011–2012-ci illər). İstehsalat və xidmət sahələrinin iqtisadiyyatı və idarə edilməsi.

Tamam Cəfərova - Moskva Dövlət Universiteti (1981-ci il). Tarixçi-müəllim.

Məzahir Əfəndiyev - Bakı Sosial İdarəetmə və Politologiya İnstitutu (1999-cu il, bakalavr). Dövlət və bələdiyyə idarəetməsi. Azərbaycan Respublikası Prezidenti yanında Dövlət İdarəçilik Akademiyası (2001-ci il, magistr). Təhsilin təşkili və idarə olunması.

Günay Əfəndiyeva - Azərbaycan Tibb Universiteti. Həkim.

Arzuxan Əli-zadə - Bakı Dövlət Universiteti (1992-ci il). Hüquqşünas.

Bəxtiyar Əliyev - M.V. Lomonosov adına Moskva Dövlət Universiteti (1983-cü il). Psixoloq, psixologiya müəllim. Psixologiya elmləri doktoru, professor. Azərbaycan Milli Elmlər Akademiyasının müxbir üzvü.

Jalə Əliyeva - Azərbaycan Dövlət Universiteti (1988-ci il). Filoloq, türk və Azərbaycan dili və ədəbiyyatı müəllimi. Bakı Dövlət Universiteti (1998-ci il). Hüquqşünas.

Əziz Ələkbərov - Azərbaycan Dövlət Universiteti (1984-cü il). Filoloq, Azərbaycan dili və ədəbiyyatı müəllimi.

Asif Əsgərov - Azərbaycan Dövlət Bədən Tərbiyəsi İnstitutu (1989-cu il). Müəllim-məşqçi. Azərbaycan Respublikası Prezidenti yanında Dövlət İdarəçilik Akademiyası (2001-ci il, bakalavr). Dövlət və bələdiyyə idarəetməsi.

Heydər Əsədov - Bakı Sovet Ticarəti Texnikumu (1978-ci il). Mühasibat uçotu. Azərbaycan Xalq Təsərrüfatı İnstitutu (1983-cü il). Uçot-iqtisad.

Cavanşir Feyziyev - Azərbaycan Pedaqoji Xarici Dillər İnstitutu (1991-ci il). Orta məktəbdə fransız və ingilis dilləri müəllimi, tərcüməçi.

Xanlar Fətiyev - Azərbaycan Memarlıq və İnşaat Universiteti (2001-ci il). İnşaat: sənaye və mülki tikinti. Naxçıvan Dövlət Universiteti (2011-ci il). Hüquqşünaslıq.

Sevinc Fətəliyeva - Azərbaycan Dillər Universiteti (2000-ci il, bakalavr). Azərbaycan Dillər Universiteti (2002-ci il, magistr). Dilşünaslıq.

Tural Gəncəliyev - Bakı Dövlət Universiteti (2000-ci il, bakalavr). Bakı Dövlət Universiteti (2002-ci il, magistr). Hüquqşünaslıq.

Sabir Hacıyev - Azərbaycan Dövlət Universiteti (1977-ci il). Hüquqşünaslıq.

Aydın Hüseynov - Azərbaycan Dövlət Universiteti (1984-cü il). Riyaziyyatçı müəllim. Azərbaycan Dövlət İqtisad İnstitutu (1997-ci il). İqtisadçı.

Sevinc Hüseynova - Saratov Dövlət Universiteti (1992-ci il). Tarixçi, tarix müəllimi.

Naqif Həmzəyev - Bakı Dövlət Universiteti (2004-cü il, bakalavr). Bakı Dövlət Universiteti (2006-cı il, magistr). Tarixçi. Türkiyə, Fırat Universiteti, Sosial Elmlər İnstitutu (2019-cu il). Doktorantura, Yaxın və Orta Şərq tarixi.

Ülviyyə Həmzəyeva - Naxçıvan Dövlət Universiteti (2003-cü il, bakalavr). Təsviri incəsənət və rəsmxət. Naxçıvan Dövlət Universiteti (2006-cı il, magistr). Pedaqogika nəzəriyyəsi və tarixi.

Malik Həsənov - Azərbaycan Pedaqoji Rus dili və Ədəbiyyatı İnstitutu (1997-ci il). Rus dili və ədəbiyyatı müəllimi. Azərbaycan Dövlət İqtisad Universiteti (2003-cü il). İqtisadçı.

Nurlan Həsənov - Bakı Dövlət Universiteti (2008-ci il). Hüquqşünaslıq. Almaniya Federativ Respublikası: Alman hüququ – müqayisəli hüquq (magistr).

Afət Həsənova - Ümumittifaq Lenin Kommunist Gənclər İttifaqının Mərkəzi Komitəsi yanında Ali Komsomol Məktəbi (1983-cü il). Tarix.

Qüdrət Həsənquliyev - Bakı Dövlət Universiteti (1992-ci il). Hüquqşünaslıq.

Səbinə Xasayeva - Azərbaycan Dillər Universiteti (2014-cü il, bakalavr). Skandinaviyaşünaslıq. Azərbaycan Dövlət Neft və Sənaye Universiteti (2018-ci il, magistr). İdarəetmədə informasiya sistemləri.

Fəzail İbrahimli - Azərbaycan Dövlət Pedaqoji İnstitutu (1973-cü il). Orta məktəbdə tarix müəllimi.

Eldar İbrahimov - Azərbaycan Kənd Təsərrüfatı İnstitutu (1970-ci il). Mühəndis-mexanik. Bakı Sosial İdarəetmə və Politologiya İnstitutu (1992-ci il). Politoloq.

Məlahət İbrahimqızı - Azərbaycan Dövlət Tibb İnstitutu (1981-ci il). Həkim-pediatr. Bakı Dövlət Universiteti (2002-ci il). Hüquqşünaslıq.

Vüqar İsgəndərov - Gürcüstan, Laqodexi Elmi-Tədris İnstitutu (2001-ci il). Hüquqşünas. Azərbaycan Dövlət Aqrar Universiteti (2014-cü il). İqtisadçı.

İmamverdi İsmayılov - Azərbaycan Dövlət Universiteti (1980-ci il). Jurnalist. Bakı Sosial İdarəetmə və Politologiya İnstitutu (1993-cü il). Politoloq.

Fariz İsmayılzadə - Qərb Universiteti (2000-ci il). Politoloq. Vaşinqton Universiteti (2002-ci il). Sosial-iqtisadi inkişaf. IE Biznes Məktəbi (2015-ci il). Ekzekyutiv MBA.

Azər Kərimli - Moskva Yüngül Sənaye Texnologiya İnstitutu (1989-cu il). Mühəndis-texnoloq.

Pərvin Kərimzadə - Bakı Dövlət Universiteti (1997-ci il). Tarixçi, tarix müəllimi.

Kəmaləddin Qafarov — Naxçıvan Dövlət Universiteti (1997-ci il). Meyvə-tərəvəzçilik və üzümçülük. Azərbaycan Dövlət İqtisad Universiteti (2009-cu il). İqtisadçı.

Vasif Qafarov - Bakı Dövlət Universiteti (2003-cü il). Tarixçi. Bakı Dövlət Universiteti (2005-ci il). Azərbaycanın yeni və ən yeni tarixi.

Mircəlil Qasımlı - Azərbaycan Dövlət İqtisad Universiteti (2013-cü il). Maliyyə.

Azay Quliyev - Bakı Dövlət Universiteti (1998-ci il). Tarix müəllimi.

Eldar Quliyev - Azərbaycan Xalq Təsərrüfatı İnstitutu (1974-cü il). İqtisadçı.

Ülvi Quliyev - Azərbaycan Dövlət Tibb Universiteti (1988-ci il). Farmasiya (provizor). Bakı Dövlət Universiteti (2002-ci il). Hüquqşünas.

Mübariz Qurbanlı - Gəncə Politexnik Texnikumu (1971-ci il). Texniki istismarçı. Azərbaycan Dövlət Universiteti (1978-ci il). Tarixçi. Azərbaycan Dövlət Universiteti (1985-ci il). Tarix və ictimaiyyət müəllimi.

Eyvaz Qurbanov - Azərbaycan Dövlət Bədən Tərbiyəsi İnstitutu (1988-ci il). Bədən tərbiyəsi müəllimi. Azərbaycan Respublikası Prezidenti yanında Dövlət İdarəçilik Akademiyası (2004-cü il). Dövlət və bələdiyyə idarəetməsi.

Erkin Qədirli - Bakı Dövlət Universiteti (1994-cü il). Hüquqşünaslıq.

Göydəniz Qəhrəmanov - Azərbaycan Beynəlxalq Universiteti (1999-cu il). Hüquqşünaslıq. Azərbaycan Dövlət İqtisad Universiteti (2005-ci il). Beynəlxalq iqtisadi münasibətlər.

Rəşad Mahmudov - Türkiyə, 9 Eylül Universiteti (1998-ci il). Həkim. Ege Universiteti (2003-cü il). Ürək-damar cərrahı.

Sevil Mikayılova - Azərbaycan Dövlət Dillər İnstitutu (1996-cı il). Orta məktəbdə ingilis dili müəllimi.

Tahir Mirkişili - Azərbaycan Dövlət İqtisad Universiteti (1998-ci il, bakalavr). Azərbaycan Dövlət İqtisad Universiteti (2000-ci il, magistr). Beynəlxalq iqtisadi münasibətlər.

Elçin Mirzəbəyli - Azərbaycan Dövlət İncəsənət İnstitutu (1990-cı il). Kütləvi tamaşalar təşkilatçı-rejissoru. Sankt-Peterburq Dövlət Teatr, Musiqi və Kinematoqrafiya İnstitutu (1992-ci il). Rejissorluq və aktyor sənətinin əsasları.

Aydın Mirzəzadə - Azərbaycan İnşaat Mühəndislər İnstitutu (1980-ci il). İnşaatçı-mühəndis. Bakı Sosial İdarəetmə və Politologiya İnstitutu (1992-ci il). Politoloq.

Səttar Möhbalıyev - Azərbaycan Kənd Təsərrüfatı İnstitutu (1979-cu il). İqtisadçı, mühasibat uçotu.

Asim Mollazadə - Azərbaycan Dövlət Tibb İnstitutu (1976-cı il). Həkim.

Rövşən Muradov - Azərbaycan Xalq Təsərrüfatı İnstitutu (1993-cü il). İqtisadçı.

Rasim Musabəyov - Azərbaycan Neft və Kimya İnstitutu (1968-ci il). Avtomatlaşdırma fakültəsi. 1982–1985-ci illərdə Moskva aspiranturası.

Elşad Musayev - Bakı Dövlət Universiteti (1990-cı il). Hüquqşünas.

Elşən Musayev - Bakı Dövlət Universiteti (1999-cu il, bakalavr). Bakı Dövlət Universiteti (2001-ci il, magistr). Hüquqşünaslıq, beynəlxalq hüquq.

Nəsib Məhəməliyev - Kuybışev Dəmiryolu Nəqliyyatı Mühəndisləri İnstitutu (1988-ci il). Mühəndis. Bakı Dövlət Universiteti (1995-ci il). Hüquqşünas.

Bəhruz Məhərrəmov - Bakı Dövlət Universiteti (2004-cü il). Jurnalist. Bakı Dövlət Universiteti (2012-ci il). Beynəlxalq hüquq.

Əlibala Məhərrəmzadə - Azərbaycan Xalq Təsərrüfatını İdarəetmə İnstitutu (1997-ci il). Biznesin təşkili və idarə edilməsi. Azərbaycan Xalq Təsərrüfatını İdarəetmə İnstitutu (1999-cu il, magistr). Biznesin təşkili və idarə olunması.

Müşfiq Məmmədli - Azərbaycan Dövlət Tibb Universiteti (1996-cı il). Həkim-pediatr. Sankt-Peterburq Dövlət İqtisad Universiteti (2015-ci il). Səhiyyənin təşkili.

Anar Məmmədov - Azərbaycan Texniki Universiteti (2005-ci il). Yol hərəkətinin təşkili. Bakı Dövlət Universiteti (2010-cu il). Hüquqşünas.

Ceyhun Məmmədov - Beynəlxalq İslama Dəvət Kolleci (1998-ci il). Dinşünas. Xəzər Universiteti (2002-ci il, magistr). Ərəb dili.

Elman Məmmədov - Azərbaycan Dövlət Pedaqoji İnstitutu (1973-cü il). Orta məktəbdə riyaziyyat müəllimi. Bakı Sosial İdarəetmə və Politologiya İnstitutu (1993-cü il). Politoloq.

Hikmət Babaoğlu - Bakı Sosial İdarəetmə və Politologiya İnstitutu (1997-ci il). Politoloq. Azərbaycan Respublikası Prezidenti yanında Dövlət İdarəçilik Akademiyası (2002-ci il). Dövlət və bələdiyyə idarəetməsi.

İlham Məmmədov - Azərbaycan Dövlət Tibb İnstitutu (1985-ci il). Həkim.

Məşhur Məmmədov - Azərbaycan Neft və Kimya İnstitutu (1990-cı il). İqtisadçı-mühəndis.

Qaya Məmmədov - Bakı Dövlət Universiteti. Beynəlxalq münasibətlər (bakalavr, magistr). ABŞ, Tafts Universiteti, Fletçer Hüquq və Diplomatiya Məktəbi. Diplomatiya üzrə magistr. NATO Müdafiə Kolleci (2005–2006-cı illər). Ali kurs.

Soltan Məmmədov - Azərbaycan Dövlət Neft Akademiyası (1996-cı il). Mühəndis-elektrik. Xəzər Universiteti (2005-ci il, magistr). İctimai səhiyyənin idarə olunması.

Nigar Məmmədova - Bakı Dövlət Universiteti (2000-ci il, bakalavr). Bakı Dövlət Universiteti (2002-ci il, magistr). Beynəlxalq münasibətlər.

Əli Məsimli - Azərbaycan Xalq Təsərrüfatı İnstitutu (1975-ci il). Siyasi iqtisad müəllimi.

Ramid Namazov - Bakı Dövlət Universiteti (2003-cü il, bakalavr). Bakı Dövlət Universiteti (2006-cı il, magistr). Mülki və təsərrüfat hüququ. Azərbaycan Respublikası Prezidenti yanında Dövlət İdarəçilik Akademiyası (2009-cu il). Dövlət və bələdiyyə idarəetməsi. Con Hopkins Universiteti (2013-cü il). Beynəlxalq münasibətlər və diplomatiya.

Razi Nurullayev - Azərbaycan Dövlət Dillər İnstitutu (1997-ci il). Orta məktəbdə ingilis və fransız dilləri müəllimi. Cənubi Rusiya Humanitar İnstitutu (2004-cü il). Hüquqşünas.

Könül Nurullayeva - Azərbaycan Dillər Universiteti (2007-ci il, bakalavr). Azərbaycan Dillər Universiteti (2009-cu il, magistr). MBA. İsveçrə Biznes Universiteti (2021-ci il). Beynəlxalq münasibətlər.

Rizvan Nəbiyev - Bakı Dövlət Universiteti (1997-ci il). Beynəlxalq münasibətlər üzrə mütəxəssis. Saarland Universiteti, Almaniya (1999-cu il, magistr). Beynəlxalq hüquq və Avropa hüququ. Tərcüməçi-referent.

Elman Nəsirov - Bakı Dövlət Universiteti (1994-cü il). Tarixçi, tarix müəllimi.

Gülşən Paşayeva - Moskva Dövlət Universiteti (1983-cü il). Filoloq, struktur və tətbiqi dilçilik üzrə mütəxəssis.

Cavanşir Paşazadə - Azərbaycan Kənd Təsərrüfatı Akademiyası (1992-ci il). İqtisadçı-təşkilatçı.

Anatoliy Rafailov - Azərbaycan Dövlət Tibb İnstitutu (1981-ci il). Həkim.

Tənzilə Rüstəmxanlı - Moskva Kooperasiya Universiteti (1991-ci il). İqtisadçı.

Vüqar Rəhimzadə - Azərbaycan Neft və Kimya İnstitutu (1992-ci il). Mühəndis-mexanik. Bakı Dövlət Universiteti (2006-cı il). Hüquqşünas.

Səbinə Salmanova - Bakı Dövlət Universiteti (1998-ci il, bakalavr). Bakı Dövlət Universiteti (2000-cü il, magistr). Dövlət hüququ.

Şahin Seyidzadə - Azərbaycan Dövlət Pedaqoji Universiteti (1999-cu il, bakalavr). Biologiya. Azərbaycan Dövlət Pedaqoji Universiteti (2001-ci il, magistr). İnsan və heyvan fiziologiyası. Azərbaycan Dövlət İqtisad Universiteti (2007-ci il, magistr). Menecment. Mançester Universiteti (2007-ci il). Təhsilin təşkili və idarəetməsi. Moskva Ali Sosial-İqtisadi Elmlər Məktəbi (2007-ci il). Sosial sahədə təhsilin təşkili və idarəedilməsi.

Zaur Şükürov - Azərbaycan Dövlət İqtisad İnstitutu (1995-ci il). İqtisadçı. Azərbaycan Respublikası Prezidenti yanında Dövlət İdarəçilik Akademiyası (2003-cü il). Dövlət və bələdiyyə idarəetməsi.

Mahir Süleymanlı - Bakı Dövlət Universiteti (2015-ci il, bakalavr). Bakı Dövlət Universiteti (2018-ci il, magistr). Hüquqşünaslıq, beynəlxalq hüquq.

Nizami Səfərov - Azərbaycan Dövlət Universiteti (1982-ci il). Hüquqşünas.

Ziyad Səmədzadə - Azərbaycan Dövlət Universiteti (1961-ci il). İqtisadçı.

Ağalar Vəliyev - Azərbaycan Mühəndis İnşaat İnstitutu (1989-cu il). İnşaat mühəndisi.

Samir Vəliyev - Bakı Dövlət Universiteti (1995-ci il). Beynəlxalq hüquq üzrə mütəxəssis, tərcüməçi-referent (ingilis dili). Odlar Yurdu Universiteti və Corciya Dövlət Universiteti (ABŞ, 2006-cı il). Magistr, ümumi təyinatlı menecment.

Mehriban Vəliyeva - Azərbaycan Dövlət Universiteti (1987-ci il). Filoloq, Azərbaycan dili və ədəbiyyatı müəllimi.

Pərvanə Vəliyeva - Azərbaycan Respublikası Prezidenti yanında Dövlət İdarəçilik Akademiyası (2011-ci il). Menecment.

Fatma Yıldırım - Bakı Dövlət Universiteti (1994-cü il). Fizika müəllimi.

Mixail Zabelin - Azərbaycan Politexnik İnstitutu (1974-cü il). Hidrotexnika-mühəndisi. Bakı Ali Partiya Məktəbi (1987-ci il). Ali siyasi-partiya təhsili.

Yazının hazırlanmasında deputatların şəxsi bioqrafiya məlumatlarından və kütləvi informasiya vasitələrində dərc edilmiş materiallardan istifadə edilib.

🖨 Çap et

22:45 22.01.2026

Oxunuş sayı: 1725

Oxşar xəbərlər

Minimum əməkhaqqının artımı sürətlənəcək

Prezident "Sülh Şurasının Nizamnaməsi"nin imzalanması mərasimindən videoçarx paylaşıb

Yalçın Rəfiyev BMT-nin Bakıdakı müvəqqəti rezident əlaqələndiricisi ilə görüşüb

Prezident İlham Əliyevin sosial şəbəkə hesablarında İsveçrəyə səfərindən görüntülər paylaşılıb

Emi Karlon: Azərbaycanla Ermənistanın sülh sazişinin paraflanmasının bir parçası olmaqdan qürur duyuruq

NATO Baş katibin müavini ilə Bakı-İrəvan sülh prosesi müzakirə edilib

PREZİDENTİN GÜNDƏLİYİ

Həkim, müəllim, provizor... - Deputatlar hansı ali məktəbi bitiriblər?

Oxşar xəbərlər

Prezident "Sülh Şurasının Nizamnaməsi"nin imzalanması mərasimindən videoçarx paylaşıb

Prezident İlham Əliyevin sosial şəbəkə hesablarında İsveçrəyə səfərindən görüntülər paylaşılıb

Azərbaycan ilə Ermənistan arasında normallaşma ticarət münasibətlərinin yaranmasında da özünü göstərir

İlham Əliyev: Sülh Şurası qlobal münaqişələrin həllinə töhfə vermək baxımından önəmlidir

İlham Əliyevin Donald Trampla görüşü keçirilib - YENİLƏNİB

İlham Əliyev Azərbaycanın Sülh Şurasına təsisçi üzv dövlət qismində qoşulması barədə sənədi imzalayıb

SON XƏBƏRLƏR