Marta Kos: Aİ Azərbaycanla əməkdaşlığa hazırdır
Aİ (Avropa İttifaqı) Azərbaycanın hökuməti ilə Avropanı regiona daha da yaxınlaşdıran marşrutların bərpası, modernləşdirilməsi və yenidən qurulması sahəsində əməkdaşlığa hazırdır.
Crossmedia.az xəbər verir ki, bu barədə Avropa Komissiyasının genişlənmə məsələləri üzrə komissarı Marta Kos bildirib.
“Bizim strategiyamız Avropa təcrübəsinə əsaslanır. Avropa əməkdaşlığı ona görə uğurlu oldu ki, bir-biri ilə əvvəllər tarixi rəqib olan ölkələr arasında qarşılıqlı maraq doğuran konkret sahələrdə işə başladıq. Nəqliyyat və logistika da Azərbaycanla Aİ, eləcə də daha geniş Cənubi Qafqaz regionu arasında münasibətlər üçün belə bir əsas ola bilər. Hər iki sahə həm biznes, həm də vətəndaşlar üçün böyük siyasi əhəmiyyətə malik əsas iqtisadi istiqamətlərdir. Əminəm ki, bu sahələrdə uğurlu əməkdaşlıq Azərbaycanla Avropa arasındakı münasibətləri yeni və müsbət bir mərhələyə çıxara bilər,” – deyə Marta Kos bildirib.
Səbiyyə Zayirova
09:38 06.10.2025
Oxunuş sayı: 2903
