Xarici xəbərlər

Çin İrana peyk kəşfiyyatı ötürülməsi barədə xəbərləri yalanladı

Çin İranla ABŞ arasındakı münaqişə zamanı Tehrana peyk kəşfiyyatı və naviqasiya məlumatları ötürmədiyini açıqlayıb.

Crossmedia.az xəbər verir ki, Çin Xarici İşlər Nazirliyinin sözçüsü Quo SzyaKun bu barədə yayılan məlumatları şərh edərkən Pekinin İrana ABŞ qüvvələrinin bölgədəki mövqelərini müəyyənləşdirməyə imkan verən kəşfiyyat məlumatları ötürməsi ilə bağlı xəbərləri təkzib edib. Çin tərəfi daha əvvəl də bu iddiaların doğru olmadığını bildirib.

Quo SzyaKun bildirib ki, Çin hərbi münaqişələrdən istifadə etməklə ölkəni qaralamaq cəhdlərinə qarşıdır.

Çin Xarici İşlər Nazirliyi İranla bağlı mövqeyinin aydın olduğunu və tərəfləri münaqişənin gərginləşməsinin qarşısını almağa, dialoq və danışıqlara qayıtmağa çağırdığını bəyan edib.

Mövzular:

Çin İran ABŞ Tehran Çin Xarici İşlər Nazirliyi münaqişə hərbi münaqişə

🖨 Çap et

21:40 06.10.2026

Oxunuş sayı: 53