Alman nazir Moskva ilə danışıqlar barədə mövqeyini dəyişib
Almaniyanın müdafiə naziri Boris Pistorius Avropa nümayəndələrinin Ukrayna məsələsi ilə bağlı danışıqlar aparmaq üçün Moskvaya dəvət edilməsinə dair əvvəlki açıqlamasını dəqiqləşdirib.
Crossmedia.az xəbər verir ki, bu barədə "Gazeta.ru" məlumat yayıb.
Nazir Moskvanın belə danışıqlar üçün uyğun məkan olmadığını bildirsə də, Rusiyanın təkliflərini tamamilə rədd etməyin düzgün yanaşma olmadığını vurğulayıb.
Almaniyanın “n-tv” telekanalının məlumatına görə, Pistorius əvvəlcə Avropa nümayəndələrinin Moskvaya getmək təklifindən imtina etməsinin səhv olacağını və bunun yanlış siqnal verəcəyini söyləyib. Lakin sonrakı açıqlamasında mövqeyini müəyyən qədər yumşaldıb.
Nazir Moskvanın danışıqlar üçün üstünlük verilən məkan olmadığını qeyd edib. Bununla belə, onun sözlərinə görə, bu amil Rusiyadan gələn danışıqlar təkliflərinin rədd edilməsi üçün əsas sayıla bilməz.
Pistorius Avropada sülhə yönəlmiş təhdidlərin və mövcud vəziyyətin ciddiliyinin dialoqu zəruri etdiyini bildirib.
O, eyni zamanda Rusiyanın həqiqətən danışıqlara hazır olduğunu göstərən əlamətlərin olmadığını iddia edib.
Qeyd edək ki, Pistorius bundan əvvəl Rusiya Prezidenti Vladimir Putinin avropalılarla əlaqələri bərpa etmək cəhdini müsbət qarşıladığını bildirmiş və Moskva ilə danışmağın vacibliyini vurğulamışdı.
20:20 20.11.2026
Oxunuş sayı: 102