Xarici xəbərlər

Qazaxıstan Millətlər Liqasında möhtəşəm geridönüş etdi

Qazaxıstan millisi Millətlər Liqasının IV turunda Farer adaları ilə oyunda 0:2 hesablı geridönüş edərək 2:2 hesablı heç-heçə edib.

Crossmedia.az xəbər verir ki, “Euro-football.ru” bu barədə məlumat yayıb.

Oktyabrın 6-da Astanada keçirilən qarşılaşmada Farer adaları 22-ci dəqiqədə Pyetur Knudsenin qolu ilə hesabı açıb. 63-cü dəqiqədə Geza David Turi fərqi iki topa çatdırıb.

65-ci dəqiqədə Martin Aqnarsson qırmızı vərəqə alaraq meydandan qovulub və Qazaxıstan say üstünlüyü əldə edib. 69-cu dəqiqədə Sergey Malıy hesab arasındakı fərqi azaldıb.

Qazaxıstan 76-cı dəqiqədə Nurali Alipin qolu ilə hesabı bərabərləşdirib.

Komandalar sentyabrın 26-da Millətlər Liqasının ilk turunda da qarşılaşıb və Farer adalarında keçirilən həmin oyun 1:1 hesabı ilə başa çatıb.

IV turdan sonra Farer adaları 4 xalla qrupda ikinci, Qazaxıstan isə 2 xalla sonuncu pillədə qərarlaşıb.

Mövzular:

Qazaxıstan Millətlər Liqası Farer adaları Nurali Alipin Qazaxıstan millisi Sergey Malıy qırmızı vərəq

🖨 Çap et

21:06 06.10.2026

Oxunuş sayı: 45