Xarici xəbərlər

Tramp: HƏMAS ilə danışıqlar çox sürətlə gedir

ABŞ Prezidenti Donald Tramp bildirib ki, Fələstin hərəkatı HƏMAS ilə danışıqlar çox sürətlə gedir.

Crossmedia.az xarici KİV-ə istinadən xəbər verir ki, onun sözlərinə görə, birinci mərhələ bu həftə başa çatacaq.

“Texniki qruplar bazar ertəsi günü Misirdə yenidən görüşəcək, yekun detalları işləyib dəqiqləşdirmək üçün mən hər kəsi tez hərəkət etməyə çağırıram,” – Tramp "Truth" Social sosial şəbəkəsində yazıb.

Bazar ertəsi tərəflər ABŞ-ın Qəzzada atəşkəs planına uyğun olaraq, israilli girovların fələstinli məhbuslarla dəyişdirilməsi şərtlərini müzakirə edəcəklər.

Donald Tramp qeyd edib ki, bu danışıqlarda zaman “həlledici əhəmiyyət daşıyır,” əks halda “kütləvi qan tökülməsi baş verə bilər.”

Həftəsonu Qəzzada girovların azad edilməsi və hərbi əməliyyatların dayandırılması ilə bağlı müzakirələr aparılıb. ABŞ prezidenti əlavə edib ki, danışıqlarda HƏMAS, ABŞ və ərəb ölkələrinin nümayəndələri iştirak edib.

🖨 Çap et

09:32 06.10.2025

Oxunuş sayı: 2676