Yampol ətrafındakı vəziyyət: Ukrayna ordusu rus diversiya qruplarının qalıqlarını məhv edir
Ukrayna Silahlı Qüvvələrinin Baş Komandanı Aleksandr Sırski Yampol yaşayış məntəqəsi ətrafındakı vəziyyətin sabitləşdiyini və Müdafiə Qüvvələrinin Rusiya diversiya-kəşfiyyat qruplarının (DRQ) qalıqlarını zərərsizləşdirdiyini bildirib.
Crossmedia.az xəbər verir ki, o, bu barədə Teleqramda yazıb.
Sırskinin sözlərinə görə, Ukraynanın Xüsusi Əməliyyat Qüvvələri, Quru Qoşunlarının bölmələri və Milli Qvardiya Yampolda düşmən diversiya qruplarını aşkar edib məhv etmək məqsədilə zərbə-axtarış əməliyyatları həyata keçirir.
Bundan əlavə, Sırski qeyd edib ki, Dobropolski istiqamətində Ukrayna ordusu işğalçı qüvvələrin toplandığı ərazilərə zərbə endirmədə daha yüksək nəticələr əldə edib və düşmənin logistika imkanlarını məhv etməyə davam edir.
Gülbəniz Bayramova
22:30 04.10.2025
Oxunuş sayı: 9140
