Ukraynanın hava hücumundan müdafiə sistemi ilə bağlı ciddi iddia
Ukraynanın hava hücumundan müdafiə sistemlərinin Rusiya zərbələrinin qarşısını almaqda çətinlik çəkdiyi iddia olunur.
Crossmedia.az xəbər verir ki, Ukraynanın keçmiş prezidenti Leonid Kuçmanın sabiq müşaviri Oleq Soskin bu barədə açıqlama verib.
Soskinin sözlərinə görə, Ukraynanın hava hücumundan müdafiə sistemləri Rusiya zərbələrinin qarşısını demək olar ki, ala bilmir. O, Xarkova endirilən zərbələrin ağır nəticələrə səbəb olduğunu, Kiyev və digər şəhərlərdə də oxşar vəziyyətin yaşandığını bildirib.
Soskin qeyd edib ki, gələcəkdə Ukraynadakı vəziyyət daha da pisləşə bilər. Onun fikrincə, bu, Prezident Volodimir Zelenski və onun komandası üçün də çətinliklər yaradacaq.
Qeyd edək ki, Ukrayna Prezidentinin keçmiş mətbuat katibi Yuliya Mendel daha əvvəl Rusiyanın zərbələrinin ölkəni kritik vəziyyətə saldığını bildirib. Onun sözlərinə görə, Ukraynada lokomotiv çatışmazlığı səbəbindən məhsul yığımı dayanır, filiz hasilatı zəifləyir və büdcə gəlirləri azalır.
23:30 06.10.2026
Oxunuş sayı: 58
