Tramp HƏMAS-ın girovların azad edilməsində gecikməyə razı olmayacağını bildirib
ABŞ Prezidenti Donald Tramp HƏMAS-ın saxladığı girovların azad olunması prosesində hər hansı gecikməni qəbul etməyəcəyini bəyan edib.
Crossmedia.az xəbər verir ki, o, bu barədə “Truth Social” sosial şəbəkə hesabında yazıb.
“Gecikmələrə, bir çoxlarının qaçılmaz hesab etdiyi nəticələrə və Qəzzanın yenidən təhlükə mənbəyinə çevrilməsinə icazə verməyəcəyəm” – o bildirib.
ABŞ lideri HƏMAS-ın dərhal hərəkətə keçməli olduğunu vurğulayıb, əks halda hər şeyin itiriləcəyini vurğulayıb.
Qeyd edək ki, sentyabrın 29-da Ağ Ev Trampın Qəzza zolağında vəziyyətin tənzimlənməsinə yönəlmiş “əhatəli planını” açıqlayıb. Sənəddə bölgədə müvəqqəti xarici idarəetmənin tətbiqi və beynəlxalq sabitləşdirmə qüvvələrinin yerləşdirilməsi nəzərdə tutulur.
Oktyabrın üçündə isə HƏMAS ABŞ prezidentinin təklifinə cavab olaraq vasitəçilərə müraciətini təqdim edib. Hərəkat canlı israilli girovların azad olunmasına və həlak olanların cəsədlərinin təhvil verilməsinə hazır olduğunu bəyan edib.
Türkan Kərimli
21:27 04.10.2025
Oxunuş sayı: 2675
