Xarici xəbərlər

Qüds Qüvvələrinin komandanı: HƏMAS-ın İsrailə hücumu tam gizlilik şəraitində həyata keçirilib

İran İslam İnqilabı Keşikçiləri Korpusunun “Qüds” qüvvələrinin komandanı, briqada generalı İsmayıl Qaani bildirib ki, 2023-cü ilin oktyabrında HƏMAS-ın İsrailə hücumu tam gizlilik şəraitində hazırlanıb. Crossmedia.az xəbər verir ki, bu barədə Tasnim agentliyi məlumat yayıb.

Qaaninin sözlərinə görə, hətta HƏMAS-ın mərhum siyasi büro rəhbəri İsmayıl Haniyyə və Hizbullah lideri Seyid Həsən Nəsrullah belə əməliyyatın dəqiq vaxtından xəbərdar olmayıb.

“Əlamətdar məqam ondan ibarət idi ki, nə biz, nə Seyid Həsən, nə də HƏMAS-ın ali rəhbərləri əməliyyatın dəqiq vaxtı barədə məlumatlandırılmışdı. Əməliyyat Qəzzada başladığı zaman Haniyyə İraqa səfər üçün hava limanına gedirdi və əslində xəbəri qayıdanda öyrəndi,” – deyə Qaani qeyd edib.

General əlavə edib ki, Seyid Həsən Nəsrullah əməliyyat üçün lazım olan mərhələləri diqqətlə müəyyənləşdirib. O həmçinin bildirib ki, Hizbullahın təzyiqi İsraili ordusunun üçdə birini Cənubi Livana yönəltməyə məcbur edib.