SEPAH: İsrailə qarşı keçirilmiş hücum ciddi gizlilik şəraitində hazırlanıb
SEPAH-ın "Qüds" qüvvələrinin komandanı, briqada generalı İsmayıl Qaani bildirib ki, Fələstin qruplaşması HƏMAS-ın 2023-cü ilin oktyabrında İsrailə qarşı keçirdiyi hücum o qədər ciddi gizlilik şəraitində hazırlanıb ki, hətta HƏMAS-ın mərhum siyasi büro rəhbəri İsmayıl Haniyə və ya Seyyid Həsən Nəsrullah belə hücumun dəqiq vaxtından xəbərsiz olublar.
Crossmedia.az xəbər verir ki, bu barədə "Tasnim" agentliyi yazır.
Qaani 2023-cü il oktyabrın 7-də başlanan və "Əl-Əqsa tufanı" adlandırılan əməliyyatın ətrafında yaradılmış son dərəcə ciddi məxfilik səviyyəsini xüsusi vurğulayıb.
“Əlamətdar məqam ondan ibarətdir ki, nə biz, nə Seyyid Həsən, nə də HƏMAS-ın yüksək rəhbərliyi bu əməliyyatın dəqiq vaxtı barədə əvvəlcədən məlumatlandırılmamışdı. Qəzzada əməliyyatın başladığı elan olunan vaxtda Haniyə İraqa səfər üçün hava limanına gedirdi və əslində bu barədə geri döndükdən sonra xəbər tutdu,” – deyə Qaani bildirib.
O əlavə edib ki, hücumun başlanacağı barədə əvvəlcədən heç kimə məlumat verilməsə də, Seyyid Həsən Nəsrullah lazımi mərhələləri dəqiq və planlı şəkildə müəyyən etmişdi.
General Qaani həmçinin bəyan edib ki, “Hizbullah”ın təzyiqləri nəticəsində İsrail ordusunun üçdə biri Cənubi Livana yönləndirilməyə məcbur olub.
Səbiyyə Zayirova
16:45 04.10.2025
Oxunuş sayı: 2543
