Xarici xəbərlər

İsrailin danışıqlar qrupu nümayəndə heyəti göndərəcək

İsrailin danışıqlar qrupu ABŞ prezidenti Donald Trampın Qəzza zolağı ilə bağlı sülh planının həyata keçirilməsi üzrə danışıqlarda iştirak etmək üçün nümayəndə heyətinin göndərilməsinə hazırlıq əmrini alıb.

Crossmedia.az xarici KİV-ə istinadən xəbər verir ki, bu barədə İsrailin ictimai yayım şirkəti Kan məlumat verib.

“İsrail təhlükəsizlik xidməti əməkdaşları israilli girovlarla dəyişdirilə biləcək fələstinli məhbusların siyahısını tərtib edirlər,” – deyə telekanal qeyd edib.

Lakin danışıqların keçiriləcəyi yer açıqlanmır. Bu addım İsrail qüvvələrinin Qəzzada hücum əməliyyatlarını dayandırmasından sonra atılıb. İsrail Baş nazirinin ofisi bəyan edib ki, İsrail Trampın girovların azad olunmasına dair planının birinci mərhələsini “dərhal həyata keçirməyə hazırdır”.

Daha əvvəl Fələstinin HƏMAS hərəkatı bütün israilli girovların azad olunmasına və ABŞ prezidenti Donald Trampın Qəzzada atəşkəs üzrə sülh planının detallarının müzakirəsinə hazır olduğunu rəsmi şəkildə təsdiqləmişdi.

Səbiyyə Zayirova

🖨 Çap et

13:43 04.10.2025

Oxunuş sayı: 2839