Xarici xəbərlər

Yanaraq ölmüş erməni hərbi qulluqçuların məhkəməsində gərginlik yaşanıb

Yanaraq ölmüş erməni hərbi qulluqçuların məhkəməsində gərginlik: “Kimə xidmət etsinlər, kimə verək, ay alçaq oğlanlar?”

“Mən düz başa düşdümmü ki, Qaruşun az yanıq xəsarətləri alması səbəbindən elə təəssürat yaranıb ki, guya o, qapıdan çıxıb?”.

Crossmedia.az xarici mənbəyə istinadən xəbər verir ki, bu barədə bu gün Ağkilsə kəndindəki hərbi kazarmada 15 erməni hərbi qulluqçunun ölümü ilə nəticələnmiş yanğın işi üzrə məhkəmə iclasında ölmüş erməni hərbi qulluqçulardan birinin valideyni iş üzrə şahid qismində dindirilən zabit-psixoloq Vahaqn Nersisyana müraciət edərək deyib.

Müsbət cavab aldıqdan sonra erməni valideyn davam edib: “Guya onunla birgə çıxan digər uşaqda heç cızıq belə olmayıb. Niyə onun haqqında da eyni təəssürat yaranmadı ki, qapıdan çıxıb, yaxud ikisi birdən çıxıb? Sən mənə dedin ki, Qaruş mənə dedi ki, “buşlat”ı üzümə atdım, tullandım çıxdım. Sən sadəcə təəssürat bildirməmisən ki, səndə belə fikir yaranıb. Sən real olaraq dedin ki, Qaruş elə deyib. Mən də səndən soruşdum ki, əgər lazım olsa, bunların hamısını real olaraq məhkəmədə deyəcəksənmi? Sən dedin ki, hə. Hətta dedin ki, deməyən filankəsin oğludur. Niyə eyni şeyi ilkin istintaq ifadəsində demədin, indi də burada deyirsən ki, sadəcə təəssürat olub?”.

Şahid erməni valideynlərə belə söz deməsini inkar edib: “Mən öz fikrimi bildirmişəm. Mən qeyd etmişəm ki, fikrim nədən formalaşıb”.

Erməni hakim də vurğulayıb ki, zərərçəkənin sualı ilə şahidin cavabı fərqli məsələlərə aiddir və bir-birinə uyğun gəlmir.

Erməni valideynlərdən biri də şahidə sual ünvanlayıb: “Eşit, sənə nə deyirəm. Mən Qaruşun yanına girəndə dedi ki, “buşlat”ı atdım üstümə, tullandım çıxdım. Sən də dedin ki, eyni sözü mənə Vardenisdə deyib. İndi isə burada deyirsən ki, bu, mənim nəticəmdir. Mən soruşanda ki, məhkəmədə də eyni şeyi deyəcəksənmi, sən dedin ki, mən filan oğlanam, kişi oğlanam, heç kimdən qorxum yoxdur, hər şeyi detallı deyəcəyəm. Nə demisənsə, burada da de, qoy hamı bilsin. Doğrunu burada de”.

Erməni şahid yenə də təkrar edib ki, bu, yalnız onun fikri olub. Bu isə ölmüş erməni hərbi qulluqçuların valideynlərini əsəbiləşdirib. Onlardan biri qəzəblə deyib: “Sən indi də xidmət edirsən, necə ola bilər ki, yuxarıdakının dediyini etməyəsən? Qoy nəticə çıxarsınlar, sizinlə və digər zabit heyəti ilə fəxr etsinlər. Xalqın uşaqlarını yandırdılar, deyirlər ki, qoy getsinlər xidmət etsinlər. Kimə xidmət etsinlər, kimə verək, ay alçaq oğlanlar?”.

🖨 Çap et

21:27 03.10.2025

Oxunuş sayı: 962