ABŞ İranın nüvə obyektlərini bombaladı - YENİLƏNİB
ABŞ İranda Fordo nüvə obyektinə 6 ədəd “B-2” bombardmançı təyyarə ilə 12 sığınaq əleyhinə bomba ilə zərbə endirib.
Crossmedia.az bu barədə CNN-ə istinadən xəbər verir.
Natanz nüvə obyektinə isə 2 bomba atılıb.
Eyni zamanda sualtı qayıqlardan Natanz və İsfahandakı nüvə obyektinə 30 qanadlı TLAM raketi ilə zərbə endirilib.
05:35
XXX
ABŞ mediası yeraltı Fordo nüvə obyektini məhv etmək gücündə olan B-2 strateji bombardmançı təyyarələrinin Sakit okeandakı Quam adasındakı hərbi bazaya doğru hərəkət etdiyini yazıb.
Crossmedia.az xəbər verir ki, Missuri ştatındakı Uaytmen Hava Bazasından havaya qalxan B-2 təyyarələri havada yanacaqla təmin olunub.
ABŞ mediası iki yüksək rütbəli müdafiə rəsmisinə istinadən bildirib ki, bu hərəkət İranla bağlı mümkün hərbi ssenarilərə hazırlıq məqsədi daşıyır.
Qeyd olunur ki, 13 600 kiloqrama qədər bunker partladıcı bomba daşımaq qabiliyyətinə malik B-2-lər dərin yeraltı hədəfləri vurmaq üçün nəzərdə tutulub və bu xüsusiyyətləri ilə İranın Fordo Nüvə Obyekti kimi möhkəmləndirilmiş obyektlərini hədəfə alma potensialına sahibdir.
Eyni zamanda, ABŞ prezidenti Donald Tramp jurnalistlərə açıqlamasında bildirib ki, İrana mümkün hərbi müdaxilə ilə bağlı qərarını “yaxın iki həftə ərzində” verəcək.
09:22 22.06.2025
Oxunuş sayı: 1364
