Orta məktəbə silahlı hücum: Ölənlər var
Avstriyanın cənubunda, Qraz şəhərində yerləşən orta məktəbdə baş verən silahlı hücum nəticəsində 10 nəfər həyatını itirib.
Crossmedia.az xəbər verir ki, həlak olanlar arasında bir müəllim və bir neçə şagird də var. Hadisə zamanı çox sayda insanın yaralandığı bildirilir.
Ölkə mətbuatının yaydığı məlumata görə, atəş açan şəxs həmin məktəbin keçmiş şagirdi – 22 yaşlı gənc olub. O, hücumdan sonra məktəbin tualetində intihar edib.
İddialara görə, gənc məktəbdə oxuduğu dövrdə mobbinqə məruz qalıb.
Hazırda hüquq-mühafizə orqanları hadisənin motivlərini araşdırır. Hücumun terror aktı olub-olmadığı hələlik rəsmi şəkildə təsdiqlənməyib.
Avstriyanın Baş naziri Kristian Stoker hadisəni “ölkənin ürəyindən vurulan zərbə” kimi dəyərləndirərək bütün rəsmi tədbirlərini ləğv edib.
Daxili işlər naziri Gerhard Karner isə dərhal hadisə yerinə baş çəkib.
Faciə ilə əlaqədar ölkədə üç günlük ümummilli matəm elan olunub.
Aybəniz Səfərova
01:39 11.06.2025
Oxunuş sayı: 8429
