Tallinnin sərhəd planı mübahisə yaratdı – Finlandiyalı siyasətçi narazıdır
Estoniyanın Rusiya ilə sərhəddəki bütün keçid məntəqələrini bağlamaq planı Finlandiyada tənqid olunub.
Crossmedia.az xəbər verir ki, bu barədə Finlandiyanın “Azadlıq Alyansı” partiyasının üzvü, siyasətçi Armando Mema “RİA Novosti”yə açıqlamasında bildirib.
Onun sözlərinə görə, Estoniyanın bu qərarı qeyri-insanidir və hakimiyyət insanların ehtiyaclarını nəzərə almır.
Mema qeyd edib ki, əvvəllər Estoniya ilə Rusiya arasındakı sərhədi keçmək istəyən insanlar soyuq havada Estoniya nəzarət-buraxılış məntəqələrində saatlarla növbə gözləməli olurdular. Yeni qərar isə onların marşrutunu daha da uzadacaq.
Siyasətçi hesab edir ki, bu cür məhdudiyyətlər qohumlarını ziyarət etmək üçün sərhədi keçməyə ehtiyacı olan insanların həyat şəraitini nəzərə almır.
Xatırladaq ki, noyabrın 15-də Estoniyanın xarici işlər naziri Marqus Tsahkna dekabrın 1-dən Rusiya ilə sərhəddəki bütün keçid məntəqələrinin bağlanacağını açıqlayıb. Qərar Narva, Koidula və Luxamaa keçid məntəqələrini əhatə edir.
Estoniya rəsmiləri qərarı Rusiya Silahlı Qüvvələrinin Baş Qərargahının Baş Kəşfiyyat İdarəsinin pilotsuz uçuş aparatları istehsal edən “Threod Systems” zavoduna qarşı təxribat cəhdi ilə əlaqəli olduğu iddiası ilə əsaslandırıblar. Lakin Moskvanın bu ittihamlarla bağlı mövqeyi fərqlidir.
18:54 16.11.2026
Oxunuş sayı: 42