Zaporojyedə su daşıyan avtomobillər məhv edilir – Rusiya rəsmisi
Ukrayna hərbçilərinin Zaporojye vilayətində əhaliyə su çatdıran avtomobilləri hədəfə aldığı iddia olunur.
Crossmedia.az xəbər verir ki, bu barədə vilayətin qubernatoru Yevgeni Balitski birbaşa yayım zamanı açıqlama verib.
Onun sözlərinə görə, su daşıyan avtomobillər xarici görünüşünə görə yanacaq daşıyan maşınlara bənzədiyindən Ukrayna hərbçiləri onları səhv salaraq hücum edirlər.
Balitski bildirib ki, hücumlar nəticəsində su təchizatı üçün istifadə olunan nəqliyyat vasitələrinin bir qismi məhv edilib.
Qubernatorun sözlərinə görə, Zaporojye vilayəti bu il daha 12 nəqliyyat vasitəsi alacaq. Növbəti il üçün isə kommunal texnikanın alınmasına büdcə vəsaiti nəzərdə tutulub.
O, texnikanın satın alınması ilə bağlı bölgədə problem olmadığını da qeyd edib.
18:17 16.11.2026
Oxunuş sayı: 55