Xarici xəbərlər

Pandalar üçün qeyri-adi yolçuluq başladı

Çinin Çendu şəhərindən iki nəhəng panda – Fuşuan və Pinpin ABŞ-yə göndərilib. Pandalar növbəti 10 il ərzində Atlantadakı zooparkda saxlanılacaq.

Crossmedia.az xəbər verir ki, Çin Mərkəzi Televiziyasının məlumatına görə, Pinpin və Fuşuan sentyabrın 27-də yerli vaxtla saat 02:55-də Çendu Şuanlyu Beynəlxalq Hava Limanından ABŞ-yə uçub.

Səfər üçün pandalara təzə bambuk, zoğlar, alma və dərman preparatları hazırlanıb. Heyvanlar uçuşdan əvvəl xüsusi daşınma şəraitinə uyğunlaşdırılıb. ABŞ-yə çatdıqdan sonra onların karantindən keçəcəyi, çinli mütəxəssislərin isə ilk müddətdə pandaların yeni şəraitə uyğunlaşmasına kömək etmək üçün Atlantada qalacağı bildirilib.

Pandaların köçürülməsi Çin-ABŞ arasında bu heyvanların qorunmasına dair əməkdaşlığın yeni mərhələsinin bir hissəsidir. Razılaşma 10 il ərzində pandaların artırılması, xəstəliklərin qarşısının alınması, elmi araşdırmalar və təbii yaşayış mühitinin qorunması sahələrində əməkdaşlığı nəzərdə tutur.

Mövzular:

panda ABŞ Çin Fuşuan Pinpin Bambuk Alma

🖨 Çap et

10:02 27.09.2026

Oxunuş sayı: 37