Xarici xəbərlər

Alimlər yarı insan beyinli siçanlar yaradıb

Alimlər şizofreniya, epilepsiya, serebral iflic, intellektual gerilik və nadir demensiya növlərini araşdırmaq üçün beyninin təxminən yarısı insan hüceyrələrindən ibarət siçanlar yaradıblar.

Crossmedia.az xəbər verir ki, bu barədə “The guardian” məlumat yayıb.

Tədqiqatçılar laboratoriyada yetişdirilmiş insan beyin hüceyrələrini genetik olaraq dəyişdirilmiş və beyin qabığı ilə hipokampusu olmadan doğulan siçanlara köçürüblər. Beləliklə, insan toxumasının inkişafı üçün beyində yer yaradılıb.

Tədqiqatın məqsədi xəstələrdən götürülən hüceyrələr əsasında insan beyin toxuması yetişdirmək və xəstəliklərin neyronlara təsirini, eləcə də mümkün müalicələrin nəticələrini öyrənməkdir.

Stanford Universitetinin professoru Serjiu Paska bildirib ki, bu yanaşma insan beyninin inkişafı və fəaliyyətinin daha əlçatan şəkildə araşdırılmasına imkan verə bilər.

“Nature” jurnalında dərc olunan araşdırmaya görə, yeni doğulmuş siçanların hər birinə təxminən 100 min insan beyin hüceyrəsi yeridilib. Siçanlarda təxminən 14 milyon heyvan beyin hüceyrəsi çatışmayıb və onların beyinlərində təxminən 4 milyon insan hüceyrəsi inkişaf edib. Bu hüceyrələr beynin həcminin təxminən yarısını təşkil edib.

Araşdırma heyvanların rifahı və mümkün şüur məsələləri ilə bağlı etik müzakirələri də gündəmə gətirib.

Mövzular:

epilepsiya beyin hüceyrələri Serjiu Paska Stanford Universiteti

🖨 Çap et

02:45 24.09.2026

Oxunuş sayı: 47