Polşada Ukraynanın təhlükəsizliyi ilə bağlı hərbi təlimlər başlayıb
Polşada müharibə başa çatdıqdan sonra Ukraynanın təhlükəsizliyinin təmin edilməsi məqsədilə “İstəkli dövlətlər koalisiyası”nın ilk hərbi təlimlərinə start verilib.
Crossmedia.az xəbər verir ki, “DW” bu barədə məlumat yayıb.
Noyabrın 22-dək davam edəcək təlimlərdə Fransa, Böyük Britaniya, Almaniya, Polşa və Türkiyə də daxil olmaqla 11 ölkədən təxminən 2800 hərbçi iştirak edir.
Təlimlərin əsas hissəsi Ukrayna sərhədindən təxminən 100 kilometr məsafədə keçirilir. Fransada qərargah idarəçiliyi, Türkiyədə isə təhlükəsizliyin təmin edilməsi və Qara dənizdə minatəmizləmə əməliyyatları üzrə hazırlıq aparılır.
Bununla Avropa müttəfiqləri atəşkəsdən sonra Ukraynada çoxmillətli hərbi kontingentin yerləşdirilməsi mexanizmlərini ilk dəfə praktiki şəkildə sınaqdan keçirirlər.
Ehtimal olunan kontingentin əsas vəzifələri Ukrayna Silahlı Qüvvələrinin hazırlığına və bərpasına kömək etmək, hava və dəniz məkanının təhlükəsizliyini təmin etmək, həmçinin Rusiyanın mümkün yeni hücumunun qarşısını almaqdır.
15:47 09.11.2026
Oxunuş sayı: 43
