Xarici xəbərlər

Argentinada deputatın parlamentdəki görüntüsü gündəm oldu

Argentinada parlamentin iclası zamanı deputat Juan Manuel Rossinin kokain qəbul etdiyi iddiası sosial şəbəkələrdə yayılan video ilə gündəmə gəlib.

Crossmedia.az xəbər verir ki, görüntülərdə Rossinin əlindəki əşyanı burnuna yaxınlaşdırması bəzi sosial şəbəkə istifadəçilərinin onun narkotik maddə qəbul etdiyini iddia etməsinə səbəb olub. Lakin deputat ittihamları rədd edərək əlində kokain deyil, qələm olduğunu bildirib və özünü müdafiə etmək üçün toksikoloji müayinədən keçməyə hazır olduğunu açıqlayıb.

Hadisə ilə bağlı yayılan görüntünün süni intellektlə dəyişdirildiyi barədə də iddialar səsləndirilib. Bu versiyanı Entre-Rios hökumətinin baş katibi Maurisio Kolello irəli sürüb, lakin materialın müstəqil texniki ekspertiza ilə dəyişdirildiyi təsdiqlənməyib.

Mövzular:

Argentina süni intellekt Juan Manuel Rossi deputat Maurisio Kolello

🖨 Çap et

18:33 23.09.2026

Oxunuş sayı: 43