Xarici xəbərlər

Bayraktar TB3 sualtı müdafiəsində yeni imkanını nümayiş etdirib

Bayraktar TB3 pilotsuz döyüş təyyarəsi sualtı qayıqlara qarşı mübarizə üzrə yeni imkanını sınaqdan keçirib.

Crossmedia.az xəbər verir ki, “Baykar”ın açıqlamasına görə, TB3 “TCG Anadolu” gəmisindən havaya qalxaraq Denizkurdu-I/2026 təlimi çərçivəsində “Sonoboy Atım Sistemi” ilə iki sonoboyun atış testini uğurla tamamlayıb.

Təlim zamanı Bayraktar TB3 dəniz patrul təyyarəsi ilə koordinasiyalı fəaliyyət göstərib. PUA həm özü tərəfindən buraxılan, həm də patrul təyyarəsinin dənizə yerləşdirdiyi sonoboylardan əldə olunan sualtı məlumatları bortundakı emal sistemi vasitəsilə analiz edib və nəticələri təlim şəraitində real vaxt rejimində nümayiş etdirib.

Denizkurdu-I/2026 təlimi sentyabrın 20-dən 25-dək Qara dəniz, Mərmərə dənizi, Egey dənizi və Şərqi Aralıq dənizində keçirilir. Təlimə Türkiyənin Hərbi Dəniz, Quru və Hava Qüvvələri, eləcə də Sahil Mühafizə Komandanlığının bölmələri qatılıb.

Mövzular:

Bayraktar Qara dəniz Mərmərə dənizi Egey dənizi Şərqi Aralıq

🖨 Çap et

00:23 23.09.2026

Oxunuş sayı: 40