Britaniya hökuməti milyarder Cimmi Ratkliffi vergi tənqidinə görə qınayıb
Britaniyanın Əmək Partiyasının sədri Bricet Fillipson milyarder iş adamı Cimmi Ratkliffin ölkənin vəziyyəti ilə bağlı tənqidlərini onun Monakoda vergi rezidenti olması fonunda şübhə ilə qarşıladığını bildirib.
Crossmedia.az xəbər verir ki, BBC bu barədə məlumat yayıb.
Fillipson Ratkliffin Britaniyanın “gerilədiyini” deməsinə münasibət bildirərkən onun bu fikirlərinə “ehtiyatla yanaşacağını” deyib. Nazir milyarderin ölkədə yüksək vergilər və yüksək miqrasiya səbəbindən Britaniyaya olan inamını itirdiyini söyləməsinə də münasibət bildirib.
“İneos” şirkətinin təsisçisi və “Mançester Yunayted” klubunun ortaq sahibi olan Ratkliff 2020-ci ildən Monakoda vergi rezidentidir. O, Britaniyaya qayıtması üçün ölkədə vəziyyətin yaxşılaşmalı olduğunu bildirib.
Fillipson Ratkliffin Britaniya haqqında belə açıqlamalar verərkən vergi rezidenti kimi ölkədən kənarda yaşamasının ona “mənəvi üstünlüyü” itirdiyini göstərdiyini deyib.
Nazir ölkəni tərk edən yüksək gəlirli iş adamları ilə bağlı narahatlıq keçirmədiyini, Britaniyanın gələcəyi ilə bağlı nikbin olduğunu bildirib. Son illərdə polad maqnatı Lakşmi Mittal və ölkənin əsas vergi ödəyicilərindən biri olan hedc-fond rəhbəri Kris Rokos da Britaniyanı tərk edən milyarderlər arasında yer alıb.
Fillipson hökumətin gələn ay təqdim olunacaq büdcə ərəfəsində ölkənin yaxşı mövqedə olduğunu bildirib. O, eyni zamanda bir çox ailənin hələ də çətinliklərlə üzləşdiyini və qarşıda görüləsi işlərin olduğunu etiraf edib.
18:49 20.09.2026
Oxunuş sayı: 45
