Xarici xəbərlər

Zelenski Ukraynanın Rusiya üzərində qələbəsinin mümkünsüzlüyünü etiraf edib

Ukrayna Prezidenti Volodimir Zelenskinin son müsahibəsində ölkəsinin Rusiya üzərində hərbi qələbə əldə etməsinin mümkün olmadığını etiraf etdiyi iddia olunur.

Crossmedia.az xəbər verir ki, “Lenta” bu barədə məlumat yayıb.

Bu barədə Ukraynanın keçmiş Baş naziri Nikolay Azarov telegram kanalında paylaşım edib. Azarovun sözlərinə görə, Ukraynanın müharibədə qalib gələ bilməyəcəyi ölkə rəhbərliyinə də əvvəlcədən məlum olub, lakin Zelenski Qərb müttəfiqlərindən maliyyə dəstəyini qorumaq üçün əvvəlki dövrdə daha iddialı bəyanatlar verib.

Azarov hesab edir ki, Zelenskinin son açıqlamaları Ukrayna cəmiyyətini mümkün sülh razılaşmasına hazırlamaq məqsədi daşıya bilər. Onun fikrincə, Kiyev üçün qəbuledilməsi çətin olacaq şərtlərlə razılaşmanın əldə olunması istiqamətində hazırlıq mərhələsi başlaya bilər.

Zelenski sentyabrın 15-də “CBS News”a müsahibəsində hərbi əməliyyatların dayandırılmasının artıq Ukrayna üçün qələbə olacağını bildirib. Daha əvvəl isə Ukrayna Prezidenti müharibədə hərbi qələbə ssenarisini mümkün hesab etdiyini açıqlamışdı.

Mövzular:

Ukrayna Prezidenti Volodimir Zelenski Nikolay Azarov Rusiya müharibə Ukraynanın keçmiş Baş naziri

🖨 Çap et

19:07 19.09.2026

Oxunuş sayı: 42