Xarici xəbərlər

Cim Ratkliff: Britaniya yüksək vergilər və miqrasiya səbəbindən geriləyir

“Mançester Yunayted”in həmsahibi və “Ineos” şirkətinin qurucusu Cim Ratkliff Britaniyanın yüksək vergilər və miqrasiya səbəbindən tənəzzül etdiyini bildirib.

Crossmedia.az xəbər verir ki, “The guardian” bu barədə məlumat yayıb.

Ratkliff BBC-nin “Big Boss Interview” proqramında ölkənin əvvəlki dövrlə müqayisədə gerilədiyini deyib. O, Britaniyanın vaxtilə dünyanın ən böyük imperiyasına sahib olduğunu və iki dünya müharibəsində qalib gəldiyini xatırladaraq, hazırda ölkənin vəziyyətini “geriləmə” kimi qiymətləndirib.

İş adamının sözlərinə görə, yüksək vergilər sərvət yaradan şəxslərin Britaniyanı tərk etməsinə səbəb olur. Ratkliff bildirib ki, ABŞ-də var-dövlət yaradan insanlara daha müsbət münasibət göstərilir və onların qazandıqları vəsaiti yaşadıqları ölkənin iqtisadiyyatında xərcləməsi iqtisadiyyata fayda verir.

Ratkliff 2020-ci ildən daha əlverişli vergi rejiminə malik Monakoda yaşayır. O, daha əvvəl də Britaniyanın miqrasiya siyasətini sərt şəkildə tənqid edib və ölkənin immiqrantlar tərəfindən “koloniyalaşdırıldığını” söylədikdən sonra bu ifadəsinin bəzi insanları incitdiyinə görə üzr istəyib.

Mövzular:

Mançester Yunayted ABŞ Cim Ratkliff yüksək vergilər Britaniya immiqrantlar

🖨 Çap et

18:19 19.09.2026

Oxunuş sayı: 58