Xarici xəbərlər

ABŞ hərbçilərinin süni intellektlə hazırladığı hesabat müharibə riskinə səbəb olub

ABŞ hərbçilərinin süni intellektdən istifadə etməklə hazırladığı hesabatın yanlış məlumatlar ehtiva etdiyi və az qala müharibəyə səbəb olduğu bildirilir.

Crossmedia.az xəbər verir ki, “CNN” bu barədə mənbələrə istinadən məlumat yayıb.

Məlumata görə, hərbi məqsədlər üçün hazırlanan hesabat sonradan tamamilə yanlış hesab edilib. Mənbələr bununla belə, hesabatın yaratdığı vəziyyətin ciddi gərginliyə səbəb olduğunu və müharibənin başlanmasına çox az qaldığını bildiriblər.

CNN-in əvvəlki materiallarında da ABŞ ordusunun süni intellektdən kəşfiyyat məlumatlarının təhlili, peyk görüntülərinin araşdırılması və hərbi qərarların hazırlanmasına dəstək məqsədilə istifadə etdiyi qeyd olunub. Mütəxəssislər isə süni intellektin hərbi sahədə səhv qərarlar verməsinin ciddi nəticələr yarada biləcəyini vurğulayırlar.

Mövzular:

ABŞ hərbçiləri süni intellekt hərbi məqsədlər

🖨 Çap et

23:45 18.09.2026

Oxunuş sayı: 41