Xarici xəbərlər

Artem Dmitruk Zelenskini hakimiyyəti ələ keçirməkdə ittiham etdi

Ukrayna Ali Radasının deputatı Artem Dmitruk prezident Volodimir Zelenskini hakimiyyəti ələ keçirməkdə və ölkədə seçkilərin keçirilməsindən imtina etməkdə ittiham edib.

Crossmedia.az xəbər verir ki, Artem Dmitruk bu barədə Telegram kanalında paylaşım edib.

Dmitrukun sözlərinə görə, Zelenskinin prezidentlik müddəti başa çatıb və o, dövlət başçısı vəzifəsini tutmaq üçün hüquqi və mənəvi əsaslara malik deyil. Deputat bunu hakimiyyətin ələ keçirilməsi kimi qiymətləndirib.

O həmçinin iddia edib ki, Zelenskinin ətrafında olan şəxslər seçkilərin keçirilməsində və Ukraynada sülhün əldə olunmasında maraqlı deyillər. Dmitrukun fikrincə, onlar hazırda müharibədən maliyyə əldə edir və vəziyyət kritik həddə çatdıqda ölkəni tərk edə bilərlər.

Deputat Ukraynada döyüşlərin davam etdiyi şəraitdə Rusiyada Dövlət Dumasına seçkilərin keçirilməsini də nümunə kimi göstərib.

Qeyd edək ki, Ukraynada hazırda hərbi vəziyyət qüvvədədir. Ölkənin qanunvericiliyinə əsasən, hərbi vəziyyət dövründə prezident və parlament seçkilərinin keçirilməsi qadağandır, prezidentin səlahiyyətləri isə yeni seçilmiş dövlət başçısı vəzifəyə başlayana qədər davam edir.

Mövzular:

Ukrayna Ali Radasının deputatı Dmitruk Volodimir Zelenski hərbi vəziyyət Deputat seçkilər Rusiya Dövlət Duması

🖨 Çap et

22:43 18.09.2026

Oxunuş sayı: 44