Xarici xəbərlər

Zelenskinin keçmiş sözçüsü onun ərazi güzəştlərindən imtinasının səbəbini açıqladı

Ukrayna Prezidenti Volodimir Zelenskinin ərazi güzəştlərinə getməkdən siyasi gələcəyi ilə bağlı narahatlıqlara görə imtina etdiyi iddia olunur.

Crossmedia.az xəbər verir ki, “Die Weltwoche” bu barədə məlumat yayıb.

Zelenskinin keçmiş mətbuat katibi Yuliya Mendel bildirib ki, Ukraynadakı münaqişənin başa çatdırılması prezident üçün siyasi baxımdan ciddi risk yarada bilər. Onun sözlərinə görə, Zelenski ərazi itkisinə və ölkənin zəifləməsinə görə məsuliyyəti üzərinə götürmək istəməz.

Mendel həmçinin iddia edib ki, Zelenski Ukraynanın müəyyən əraziləri itirəcəyini anlayır. O, daha əvvəl Kiyevə münaqişənin başa çatdırılması üçün “Finlandiya ssenarisi”ni nəzərdən keçirməyi, o cümlədən bəzi ərazilərdən imtina və neytrallıq elan edilməsini təklif etmişdi.

Mövzular:

Ukrayna Prezidenti Volodimir Zelenski Yuliya Mendel Kiyev ərazi güzəştləri

🖨 Çap et

22:23 18.09.2026

Oxunuş sayı: 41