Xarici xəbərlər

Seulda Rusiya-Cənubi Koreya mədəniyyət festivalı başladı

Seulda Rusiya və Cənubi Koreyanın incəsənət nümayəndələrinin iştirakı ilə Rusiya-Cənubi Koreya mədəniyyət festivalı açılıb.

Crossmedia.az xəbər verir ki, “RİA Novosti” bu barədə məlumat yayıb.

Festival sentyabrın 18-də başlayıb və iki gün davam edəcək. Tədbirdə hər iki ölkənin sənətçiləri çıxış edir.

Festival çərçivəsində Moskva Dövlət Akademik “Qjel” Rəqs Teatrı Seulda rus xalq rəqslərini təqdim edəcək. Cənubi Koreya teatrının aktyorları isə Anton Çexovun “Qağayı” əsərinin müasir səhnə yozumunu nümayiş etdirəcəklər.

Rusiya prezidentinin beynəlxalq mədəni əməkdaşlıq üzrə xüsusi nümayəndəsi Mixail Şvıdkoy festivalın iki ölkə arasında mədəni və humanitar əlaqələrin inkişafına töhfə verdiyini bildirib.

Mövzular:

Seul Çin Rusiya incəsənət nümayəndələri Mixail Şvıdkoy Cənubi Koreya Anton Çexov

🖨 Çap et

21:49 18.09.2026

Oxunuş sayı: 44