Xarici xəbərlər

Rusiyada günlərlə yanan neft zavodunda yanğın söndürülüb

Rusiyanın Krasnodar vilayətində Ukrayna Silahlı Qüvvələrinin hücumu nəticəsində sentyabrın 13-dən yanan “Slavyansk EKO” neft zavodunda yanğın tam söndürülüb.

Crossmedia.az xəbər verir ki, “TASS” bu barədə məlumat yayıb. Slavyansk rayonunun Vahid Növbətçi Dispetçer Xidmətinin məlumatına görə, yanğının tam ləğvi Moskva vaxtı ilə saat 14:30-da başa çatıb.

Neft zavodunda yanğın beş gün davam edib. Hadisənin Ukrayna Silahlı Qüvvələrinin hücumu nəticəsində baş verdiyi Rusiya tərəfinin açıqlamasında bildirilir.

Bundan bir gün əvvəl Rostov vilayətinin Taqanroq şəhərində də bir neçə gün davam edən yanğın söndürülüb. Rostov vilayətinin qubernatoru Yuri Slyusar isə sentyabrın 18-də bölgədə yeni zərbələr nəticəsində dağıntıların qeydə alındığını açıqlayıb.

Mövzular:

Rusiya Ukrayna Ukrayna Silahlı Qüvvələri Taqanroq şəhəri Slavyansk EKO Krasnodar vilayəti zərbələr

🖨 Çap et

18:24 18.09.2026

Oxunuş sayı: 48