Xarici xəbərlər

Moskvaya hücum edən 23 dron məhv edilib

Moskva istiqamətində uçan 23 pilotsuz uçuş aparatı Rusiyanın hava hücumundan müdafiə sistemləri tərəfindən məhv edilib. Moskva meri Sergey Sobyanin bildirib ki, dronların qalıqlarının düşdüyü ərazilərdə fövqəladə xidmət əməkdaşları işləyir.

Crossmedia.az xəbər verir ki, “RIA Novosti” bu barədə məlumat yayıb.

Sobyaninin məlumatına görə, ilk beş dron Moskva vaxtı ilə saat 20:48-də vurulub. Daha sonra saat 21:53-də Moskva istiqamətində uçan daha 10 dronun məhv edildiyi, saat 22:36-da isə daha 8 pilotsuz aparatın vurulduğu açıqlanıb.

Beləliklə, axşam saatlarında paytaxta doğru uçan ümumilikdə 23 dronun məhv edildiyi bildirilib. Hücum nəticəsində dağıntıların düşdüyü ərazilərdə müvafiq xidmətlər fəaliyyət göstərir.

Rusiya Müdafiə Nazirliyi isə daha əvvəl sentyabrın 17-nə keçən gecə ölkənin müxtəlif bölgələrinin səmasında 641 Ukrayna dronunun məhv edildiyini açıqlamışdı.

🖨 Çap et

23:58 17.09.2026

Oxunuş sayı: 40