Xarici xəbərlər

Donetskdə dron hücumları nəticəsində ölən və yaralananlar var

Ukrayna Silahlı Qüvvələrinin pilotsuz uçuş aparatları ilə həyata keçirdiyi hücumlar və partlayıcı predmetin detonasiya etməsi nəticəsində Donetsk Xalq Respublikasında 3 nəfər ölüb, daha 10 mülki şəxs yaralanıb.

Crossmedia.az xəbər verir ki, TASS bu barədə məlumat yayıb.

DNR rəhbəri Denis Puşilinin bildirdiyinə görə, Mangush bələdiyyə dairəsində Yalta-Urzuf avtomobil yolunda yük maşınlarına hücum nəticəsində iki kişi və bir qadın həyatını itirib. Qorlovkanın Mərkəzi-Şəhər rayonunda 5 nəfər, o cümlədən 3 uşaq yaralanıb və onlardan birinin vəziyyəti ağırdır.

Yenakiyevo-Uqleqorsk yolunda minik avtomobilinə dron hücumu nəticəsində daha bir kişi xəsarət alıb. Maryinkada partlayıcı predmetin detonasiya etməsi nəticəsində iki nəfər, Olxovatka yaxınlığında isə dron hücumu zamanı iki yol işçisi yaralanıb.

Hücumlar nəticəsində yaşayış evi, üç mülki infrastruktur obyekti, xüsusi texnika, teplovozlar, həmçinin bir sıra şəhər və bələdiyyə dairələrində minik və yük avtomobilləri də zərər görüb.

Mövzular:

Ukrayna Donetsk Xalq Respublikası üç mülki infrastruktur obyekti Olxovatka Yalta-Urzuf avtomobil yolu hücumlar Denis Puşilin

🖨 Çap et

23:51 17.09.2026

Oxunuş sayı: 44