Xarici xəbərlər

Xameneinin müşaviri: Xameneinin müşaviri: Hörmüz boğazı Tramp və Netanyahu hakimiyyətdə olduğu müddətdə açılmayacaq

İranın ali lideri Ayətullah Əli Xameneinin siyasi müşaviri Məhəmməd Baqer Zülqədər Hörmüz boğazının ABŞ Prezidenti Donald Tramp və İsrailin Baş naziri Benyamin Netanyahu hakimiyyətdə olduğu müddətdə gəmiçilik üçün açılmayacağını bildirib.

Crossmedia.az xəbər verir ki, “Al Kauthar” bu barədə məlumat yayıb.

Zülqədər açıqlamasında İran silahlı qüvvələrinin Tramp və Netanyahunun hakimiyyətdən uzaqlaşdırılmasına qədər Hörmüz boğazını açmayacağını deyib.

O, boğazın bağlanmasını İran xalqının “intiqamının ilk mərhələsi” kimi qiymətləndirib və son qarşıdurmalarda öldürülən iranlıların qisasının alınacağını bildirib.

Qeyd edək ki, Hörmüz boğazının yenidən açılması ilə bağlı İranın əvvəlki açıqlamalarında da ABŞ-ın müəyyən şərtləri yerinə yetirməsinin əsas şərt olduğu bildirilib.

Mövzular:

İran İranın ali lideri Ayətullah Əli Xamenei silahlı qüvvələr

🖨 Çap et

20:41 17.09.2026

Oxunuş sayı: 52