Xarici xəbərlər

Obama və Harris süni intellektə nəzarətə çağırıb

ABŞ-də süni intellekt texnologiyalarının sürətli inkişafı ilə bağlı narahatlıqların artması fonunda keçmiş prezident Barak Obama və keçmiş vitse-prezident Kamala Harris daha sərt tənzimləmələrin tətbiqinə çağırış edib.

Crossmedia.az xəbər verir ki, Obama süni intellektin təhlükəsizlik, məşğulluq və uşaqlar üzərində mümkün təsirlərinə qarşı hökumətlərin daha çox addım atmalı olduğunu bildirib. O, texnologiyanın inkişafını tam dayandırmağın mümkün olmadığını, lakin onun inkişaf istiqaməti və istifadəsi ilə bağlı cəmiyyətin birlikdə qərar verə biləcəyini vurğulayıb.

Harris isə süni intellekt modellərinin “narahatedici sürətlə” inkişaf etdiyini deyərək, texnologiyanın ictimai maraqlara xidmət etməsi üçün inkişaf tempinin müəyyən qədər yavaşladılmasının vacibliyini qeyd edib. O, ABŞ Konqresini süni intellektə nəzarət edəcək federal qurumun yaradılması üçün qanunvericilik hazırlamağa çağırıb.

🖨 Çap et

06:43 16.09.2026

Oxunuş sayı: 45