Xarici xəbərlər

Harry Potter serialının yeni aktyorları açıqlanıb

HBO-nun yeni “Harry Potter” serialında daha üç aktyorun hansı obrazları canlandıracağı açıqlanıb.

Crossmedia.az xəbər verir ki, Rafe Spall Artur Uizli, Molly Hewitt-Richards Moaning Myrtle, Jasper Ambrose isə Colin Creevey obrazına həyat verəcək. Rafe Spallın atası Timothy Spall da əvvəlki “Harry Potter” filmlərində Peter Pettigrew obrazını canlandırmışdı.

Serialın ikinci mövsümü ilə bağlı daha əvvəl Billy Barrattın gənc Tom Riddle, Lenny Rushın Dobby, Bonnie Hillin isə Ginny Weasley obrazlarını canlandıracağı açıqlanmışdı. Gilderoy Lockhart rolunun əvvəlcə Nicholas Hoult üçün nəzərdə tutulduğu, lakin aktyorun sıx iş qrafikinə görə obrazın Kit Haringtona verildiyi bildirilib.

J.K. Rowlingin yeddi kitabdan ibarət seriyası əsasında hazırlanan HBO serialının ilk mövsümü “Harry Potter və Fəlsəfə Daşı” kitabını əsas götürür. Səkkiz bölümdən ibarət ilk mövsümün dekabrın 25-də HBO və HBO Max platformasında yayımlanması planlaşdırılır. Harry Potter obrazını Dominic McLaughlin, Hermione Grangeri Arabella Stanton, Ron Weasleyni isə Alastair Stout canlandırır.

🖨 Çap et

04:56 16.09.2026

Oxunuş sayı: 68