Roberta Metsola: Avropada fəlakətli yay iqlim tədbirlərinin gücləndirilməsini göstərdi
Avropa Parlamentinin sədri Roberta Metsola bu yay Avropada baş verən ekstremal istilər və meşə yanğınlarının iqlimlə bağlı tədbirlərin gücləndirilməsinin vacibliyini göstərdiyini bildirib.
Crossmedia.az xəbər verir ki, Metsola Avropanın qarşılaşdığı iqlim risklərinə daha ciddi yanaşmalı olduğunu vurğulayıb. O, iqlim dəyişikliklərinin yalnız ekoloji deyil, eyni zamanda iqtisadi və sosial təhlükəsizlik məsələsinə çevrildiyini qeyd edib.
Bu ilin yayında Avropanın bir sıra ölkələrində güclü istilər və genişmiqyaslı meşə yanğınları qeydə alınıb. BMT-nin iqlim üzrə rəsmisi Simon Stiell də ekstremal hava şəraitinin Avropada inflyasiya və enerji xərclərinə əlavə təzyiq yaratdığını bildirib.
Metsolanın açıqlamaları Avropa İttifaqında iqlim siyasətinin növbəti mərhələsi ilə bağlı müzakirələrin intensivləşdiyi bir vaxtda səslənib.
20:50 15.09.2026
Oxunuş sayı: 40
