Xarici xəbərlər

Zaxarova Almaniyanı Rusiya ilə bağlı siyasətinə görə ittiham edib

Almaniyanın uzun illərdir Rusiya ilə bağlı öz vətəndaşlarını yanıltdığı iddia edilib.

Crossmedia.az xəbər verir ki, bunu Rusiya Xarici İşlər Nazirliyinin sözçüsü Mariya Zaxarova bildirib. Onun sözlərinə görə, Almaniya hakimiyyəti rusofobiyanı ölkə əhalisinin vahid mövqeyi kimi təqdim edib, halbuki Berlin heç vaxt alman xalqının Rusiya ilə münasibətlərə dair real mövqeyini soruşmayıb.

Zaxarova qeyd edib ki, Almaniya hakimiyyəti müəyyən dövrlərdə Rusiya ilə dialoq və sülh tərəfdarı olduğunu bəyan etsə də, hakimiyyətə gəldikdən sonra rusofob mövqedən çıxış edib. O, bu vəziyyətin Almaniya cəmiyyətinin parçalanmasından daha çox, uzun illər ərzində rusofobiyanın bütün cəmiyyətə “maskalayıcı örtük” kimi təqdim edilməsi ilə bağlı olduğunu deyib.

Rusiya XİN rəsmisi daha əvvəl də Almaniya hökumətini Moskva ilə ikitərəfli münasibətləri məqsədyönlü şəkildə pisləşdirməkdə və bunun alman xalqının maraqlarına zərər vurmasında ittiham edib.

Mövzular:

Almaniya Rusiya Moskva Almaniya hökuməti Mariya Zaxarova Rusiya Xarici İşlər Nazirliyi

🖨 Çap et

19:53 15.09.2026

Oxunuş sayı: 44