Məşhur boksçudan unudulmaz sevgi etirafı
Ukraynalı boksçu Vladimir Kliçko vəfat edən keçmiş nişanlısı, amerikalı aktrisa Heyden Panettyerinin doğum günü münasibətilə ona duyğusal paylaşım edib.
Crossmedia.az ˝Unian˝a istinadən xəbər verir.
Aktrisa avqustun 16-da 36 yaşında qəfil vəfat edib. Kliçko və Panettyerinin Kayya adlı ortaq qızı var.
“Bu gün Heydenin doğum günüdür. Onu planlaşdırdığımız kimi qeyd etmək əvəzinə, bu gün onun həyatını, ruhunu və dünyaya gətirdiyi sevgini xatırlayırıq”, – deyə Kliçko sosial şəbəkədə yazıb.
Boksçu həmçinin Panettyerinin pərəstişkarlarına, dostlarına və bu çətin dövrdə ailələrinə dəstək göstərən hər kəsə təşəkkür edib.
Kliçko bildirib ki, insanların göstərdiyi qayğı və mərhəmət ona insanlıqda hələ də çox yaxşılığın qaldığını xatırladıb.
O, paylaşımında insanlara sevgi və mərhəmət çağırışı da edib.
“Əgər bunu oxuyursunuzsa, sizdən yalnız bir şey xahiş edirəm: bir anlıq sevgi haqqında düşünün. Dostunuza zəng edin. Kimisə bağışlayın. Daha mehriban olun. Sevgi fövqəlgücdür. Ondan istifadə edin. Ad günün mübarək, Heyden. Səni sevirlər, sənin üçün darıxırlar və səni heç vaxt unutmayacaqlar”, – deyə Kliçko qeyd edib.
00:02 23.08.2026
Oxunuş sayı: 59
