CROSSMEDIA - Analitik İnformasiya Portalı

Axtarılan söz: Almaniya siyasəti

10:32 21.09.2026

Merzin partiyası tarixdə ilk dəfə parlamentdən kənarda qaldı

Meklenburq-Ön Pomeraniyada keçirilən əyalət parlamenti seçkilərində Almaniya kansleri Fridrix Merzin rəhbərlik etdiyi Xristian Demokrat İttifaqı (CDU) 4,9 faiz səs toplayaraq ilk dəfə əyalət parlamentinə düşə bilməyib. Crossmedia.az xəbər verir ki, Almaniyanın “Tagesschau” nəşri bu barədə məlumat yayıb. İlkin nəticələrə görə, seçkidə Almaniya üçün Alternativ (AfD) 38,2 faiz səslə birinci olub. Sosial Demokrat Partiyası (SPD) 35,5 faizlə ikinci, Sol Partiya 6,5 faiz, Yaşıllar isə 5,7 faiz səslə parlamentə daxil olub. CDU-nun 4,9 faiz nəticəsi partiyanın əyalət parlamentinə daxil olması üçün tələb olunan 5 faizlik baryerdən aşağıdır. Bununla da CDU tarixində ilk dəfə Almaniyanın hər hansı əyalət parlamentində təmsil olunmayacaq. Meklenburq-Ön Pomeraniyada AfD əvvəlki seçki ilə müqayisədə səs payını əhəmiyyətli dərəcədə artıraraq ən böyük fraksiyaya çevrilib. Partiya yeni parlamentdə 32 mandat əldə edib. SPD 29, Sol Partiya və Yaşıllar isə hərəyə 5 mandat qazanıb. Seçkinin nəticələri Fridrix Merzin rəhbərlik etdiyi CDU üçün Almaniyanın müharibədən sonrakı siyasi tarixində ən zəif əyalət seçkisi nəticələrindən biri kimi qiymətləndirilir. Merz isə nəticələrə baxmayaraq siyasi və iqtisadi islahatlarını davam etdirəcəyini bildirib.