Çin və Kanada münasibətlərində yeni səhifə açılır
Çinin xarici işlər naziri Van Yi Pekində Kanadanın xarici işlər naziri Anita Anand ilə görüş keçirib.
Crossmedia.az bu barədə xarici mediaya istinadən xəbər verir.
Görüş zamanı Van Yi bildirib ki, ünsiyyətin və qarşılıqlı etimadın gücləndirilməsi Çin və Kanada arasında münasibətlərin daha sabit və məzmunlu inkişafına töhfə verə bilər. O, dialoqun davam etdirilməsinin ikitərəfli əlaqələr üçün mühüm əhəmiyyət daşıdığını vurğulayıb.
Kanadanın xarici işlər naziri Anita Anand isə qeyd edib ki, Ottava həm qısa, həm də uzunmüddətli perspektivdə iki ölkənin qarşılıqlı maraqlarına uyğun şəkildə Çinlə əməkdaşlıqda irəliləyiş əldə etməyi hədəfləyir.
Görüş Çin–Kanada münasibətlərində dialoqun bərpası və əməkdaşlıq imkanlarının müzakirə edildiyi bir dövrdə baş tutub.
Kübra Musayeva
18:53 15.01.2026
Oxunuş sayı: 1519
