Paşinyan regionu dəmir yolu ilə birləşdirmək istəyir
Ermənistan Baş naziri Nikol Paşinyan bildirib ki, ölkəsi Rusiyadakı tərəfdaşlarına Ermənistanı Azərbaycan və Türkiyə ilə birləşdirən dəmir yollarında bərpa işlərinin həyata keçirilməsi ilə bağlı qərar qəbul etmələri üçün müraciət edib.
Crossmedia.az xarici mediaya istinadən xəbər verir ki, Paşinyanın sözlərinə görə, bu məsələ dövlət və hökumət liderləri səviyyəsində, o cümlədən onun və Rusiya prezidenti Vladimir Putinin görüşləri zamanı müzakirə olunub.
Baş nazir vurğulayıb ki, bərpa işlərinin həyata keçirilməsində vaxt çərçivəsi TRIPP layihəsinin çərçivə sazişinin ABŞ ilə imzalanmasından sonra "əldə olunan ən qısa müddət" olmalıdır.
"Ən uyğun vaxt – indi. Biz istəyirik ki, bu işlər mümkün qədər sürətlə həyata keçirilsin. Proseslər artıq başlayıb və insanlar bununla bağlı məlumatlandırılacaq. Biz Rusiyadakı tərəfdaşlarımızdan bu məsələ ilə bağlı qərar qəbul etmələrini gözləyirik", – deyə Paşinyan bildirib.
Nigar Yahyazadə
15:15 15.01.2026
Oxunuş sayı: 1190
