Hindistan Rusiya neftinin idxalını azaldır
Hindistan ABŞ-nin mümkün sanksiyalarından ehtiyat edərək Rusiya xam neftinin idxal həcmini tədricən azaldır.
Crossmedia.az xəbər verir ki, bu barədə Bloomberg agentliyi məlumat yayıb.
Məlumata görə, dekabr ayında Hindistana neft idxalı son üç il ərzində ən aşağı səviyyəyə düşüb. Belə ki, bu azalma tendensiyası hazırda da davam edir. Həmçinin, Oman sahillərində Rusiya xam nefti ilə dolu ən azı 12 tanker lövbər salıb.
Vortexa Ltd. və Kpler şirkətlərinin məlumatına əsasən, Hindistan dekabr ayında gündəlik təxminən 1,3 milyon barel Rusiya xam nefti idxal edib. Yanvar ayı üzrə bu göstəricinin daha da azalacağı gözlənilir.
Bildirilib ki, Hindistanın neft emalı zavodları alış siyasətini dəyişərək Yaxın Şərq, Qərbi Afrika və Latın Amerikası bazarlarından neft tədarükünü artırmağa başlayıb.
14:24 15.01.2026
Oxunuş sayı: 1758
