AB İranda yeni sanksiyalar tətbiq edəcək
Avropa Birliyi (AB) İranda etirazların yatırılmasına görə məsul şəxslərə qarşı əlavə sanksiyalar tətbiq etməyə hazırlaşır.
Crossmedia.az xəbər verir ki, bu barədə Avropa Komissiyasının Prezidenti Ursula von der Leyen bildirib.
O, vurğulayıb ki, AB artıq SEPAH-ı insan haqları sanksiyaları siyahısına daxil edib və İran xalqının azadlığı uğrunda mübarizəsini dəstəkləyir.
Leyen qeyd edib ki, son etirazlarda qurbanların sayı dəhşətli səviyyədə artıb və zorakılıq qəbuledilməzdir. Yeni sanksiyalar AB-nin xarici siyasət və təhlükəsizlik məsələləri üzrə ali nümayəndəsi Kaya Kallas ilə əməkdaşlıq çərçivəsində tezliklə qüvvəyə minəcək və etirazçıların hüquqlarını pozanlar məsuliyyətə cəlb olunacaq.
21:00 13.01.2026
Oxunuş sayı: 969
